ისნის რაიონის მაჟორიტარი დავით ჭიჭინაძე აცხადებს, რომ 9 დეპუტატის კანონპროექტს „ქართული ოცნების“ პოლიტიკური ელიტა დაუპირისპირდა და დროა, პოლიტიკური განქორწინება მოხდეს.

„ვთვლი, ზოგადად სიტუაცია ერთმანეთთან იმდენად შეუსაბამოა, რომ აღარც კი არის ის პატარა ჯაჭვიც, ამ ადამიანებს უმრავლესობაში დარჩენის სურვილი ჰქონდეთ. რეალურად გამოდის , რომ პარტიის მთელი პოლიტიკური ელიტა ამ ხალხს დაუპირისპირდა. ვთვლი, რომ ეს ის ნაბიჯია, როცა პოლიტიკური განქორწინება უნდა მოხდეს“- აცხადებს ჭიჭინაძე.

შეგახსენებთ: საპარლამენტო უმრავლესობამ დღეს მიიღო გადაწყტვეტილება, რომ ეკა ბესელიას და 8 დეპუტატის კანონპროექტს, რომელიც მოსამართლეთა უვადო გამწესების 5 წლით შეჩერებას გულისხმობს, მხარს არ დაუჭერს.