„ნაციონალური მოძრაობის“ ერთ- ერთი ლიდერის, სალომე სამადაშვილის თქმით, „თიბისი ბანკის“ საქმეზე საერთაშორისო საზოგადოების რეაგირება მით უფრო ადექვატური იქნება, რაც მეტად მოეფინება ნათელი იმას, თუ რასთან გვაქვს საქმე.

„ის, რაც ხდება TBC ბანკის გარშემო, უკავშირდება პირველ რიგში, სწორედ ანაკლიის პროექტს, რომელიც არის მნიშვნელოვანი სტრატეგიული დანიშნულების მქონე არამხოლოდ საქართველოსთვის, არამედ რეგიონისთვის.

რეალურად ჩვენ ვხედავთ, რომ არის მცდელობა ან საერთოდ ჩაიშალოს ეს პროექტი, ან თუ მისი საბოლოო ჩაშლა ვერ მოხდება, ამ პროექტის მართვის სადავეები ჩაიგდოს ხელში ბიძინა ივანიშვილმა ან მასზე დაქვემდებარებულმა პირებმა. ვფიქრობ, აქ არის ძალიან მნიშვნელოვანი რუსეთის ფაქტორიც და შესაბამისად მოველი, რომ ამ საქმესთან დაკავშირებით საერთაშორისო საზოგადოების რეაგირება იქნება ბევრად უფრო მკვეთრი,“ - ამბობს სამადაშვილი.