"შორენა არის იმ ჯგუფის მთავარსარდალი, რომელის აყენებს უდიდეს ზიანს საქართველოს ეკლესიას და საკუთრივ პატრიარქს"

"შორენა არის იმ ჯგუფის მთავარსარდალი, რომელის აყენებს უდიდეს ზიანს საქართველოს ეკლესიას და საკუთრივ პატრიარქს" - ნიკა გვარამია

პოლიტიკა - 23:58, 19 Feb, 2019

3376

გიორგი მარგველაშვილთან მე შევედი, პატრიარქის კურთხევით, დეკანოზ მამალაძის გათავისუფლების საქმეზე - ამის შესახებ ნიკა გვარამიამ თოქშოუ "რეაქციაში" განაცხადა.
შეხვედრის დეტალებზე მან ღია ეთერში რამდენიმე თვის წინ ისაუბრა, გვარამია ამბობს, რომ მარგველაშვილი დეკანოზის უდანაშაულობაში დარწმუნებულია, თუმცა მისი შეწყალება დაიბლოკა არა ხელისუფლების, არამედ საპტრიარქოს მხრიდან.

"ჯერ საპატრიარქოში მქონდა შეხვედრა, მათი თხოვნით, მამა ვახტანგმა დამირეკა, პატრიარქმა დეტალურად გამომკითხა ყველაფერი. მკითხა, რატომ არ იწყალებს მაშინ პრეზიდენტიო და ვუთხარი, რომ ზუსტად მაგის სათხოვნელად მივდივარ და ძალიან მინდა, რომ თქვენც იყოთ თანახმა, რომ იქ მივიდეთქო. მითხრა, მე გაძლევ კურთხევას, მიდი და დაელაპარაკე, აუხსენი, რა ხდებაო, ეს მე მოვყევი პირდაპირ ეთერშიც. მივედი მარგველაშვილთან, დარწმუნებული ვარ, რომ მარგველაშვილმა იცის, რომ დეკანოზი ტყუილად ზის ციხეში, მისმა გუნდმა თავიდან ბოლომდე, გაიარა ეს საქმე და დარწმუნებული ვარ, რომ ამ ადამიანებსაც სრულად ჩამოყალიბებული აქვთ რწმენა , რომ უდანაშაულოდ ზის, მაგრამ, რა თქმა უნდა, საპატრიარქოს გავლენით შეწყალება არ მოხდა. არავითარი ხელისუფლება, ხელისუფლება ვერ ჩაერეოდა მარგველაშვილთან დამოკიდებულების გამო. საპატრიარქოს ჩარევით, აბსოლუტურად დარწმუნებული ვარ, შეწყალება დაიბლოკა" - ამბობს გვარამია..

საპატრიარქოს რომელი ჯგუფის მიერ შეიძლება დაბლოკილიყო დეკანოზის შეწყალება, გვარამია ამბობს, რომ მან არ იცის და ვერ ერკვევა ამ დაჯგუფებებში, თუმცა
"გასაგებია, რომ იქ არსებობს ჯგუფი, რომელსაც ეს არ უნდა, შორენაა მთავარსარდალი ამ ჯგუფის, ბუნებრივია, რომელსაც ყბა მოენგრა პირდაპირი მნიშვნელობით, როცა პატრიარქთან დამინახა და იყოს იქ გარჩევა, როგორ მოვხვდი მე საპატრიარქოში და პატრიარქს როგორ ველაპარაკე ისე, რომ შორენამ არ იცოდა... საოცრება ხდება საპატრიარქოში, ბოლო ჟამია თუ რა ხდება ვერ გავიგე... ერთერთი ყველაზე გავლენინანი ინსტიტუციის შემადგებლობაში ხდება საოცრება და ვხედავთ რა დამართა პირადაად პატრიარქის რეიტინგს ამ ხალხმა. ეს არის კატასტროფა და ეს ხდება ციანიდის საქმის პარალელურად. ეს ხალხი საქაართველოს მართლმადიდებელ ეკლესიას აყენებენ უდიდეს და უმძიმეს ზიანს და საკუთრივ საქართველოს პატრიარქს, რომელიც ნამდვილად არის ბოლო 30 წლის განმავლობაში გამოკვეთილი საზოგადო მოღვაწე და ამ ხალხის ამგვარი საქმიანობა აზიანებს პატრიარქის რეპუტაციას" - განაცხადა ნიკა გვარამიამ.
"შორენა არის იმ ჯგუფის მთავარსარდალი, რომელის აყენებს უდიდეს ზიანს საქართველოს ეკლესიას და საკუთრივ პატრიარქს" - ნიკა გვარამია