„თიბისი ბანკის“ დამფუძნებლები მზადყოფნას გამოთქვამენ საქართველოს პარლამენტის შესაბამის კომიტეტებს არსებულ ვითარებაზე ინფორმაცია მიაწოდონ. აღნიშნულის მომხრეა პარლამენტის პირველი ვიცე-სპიკერი თამარ ჩუგოშვილი. მისი თქმით, ამ საქმეზე მაღალი საზოგადოებრივი ინტერესია და კარგი იქნება თუ დეპუტატები, ხაზარაძე-ჯაფარიძის შეთავაზებას დათანხმდებიან:

„მე როგორც ვხვდები, ბადრი ჯაფარიძემ და მამუკა ხაზარაძემ გამოთქვეს სხვადასხვა აქტორებთან და მათ შორის პარლამენტთან შეხვედრის სურვილი. ვერ ვხვდები რა შეიძლება გვქონდეს იმის საწინააღმდეგო, რომ მოვუსმინოთ ამ ადამიანებს, იმიტომ, რომ ფაქტია, მნიშვნელოვანი საქმეა და საზოგადოებრივი ინტერესი ახლავს. ბუნებრივია, გამოძიება როგორ წარიმართება, ეს შეხვედრა გავლენას ვერ იქონიებს, მაგრამ იმისთვის, რომ პარლამენტის წევრები იყვნენ ინფორმირებული, შესაძლებელია ეს ცუდი არ იყოს. მე ამაში პრობლემას ვერ ვხედავ“,- განაცხადა ჩუგოშვილმა.