საქართველოს მეხუთე პრეზიდენტი სალომე ზურაბიშვილი საფრანგეთის პრეზიდენტს ემანუელ მაკრონს შეხვდა. პრესკონფერენციაზე ზურაბიშვილმა განაცხადა, რომ იმისათვის, რომ საფრანგეთი რუსეთთან შუამავალი გახდეს, მეორე მხარის თანხმობა არის საჭირო, რის არსებობაშიც დარწმუნებული არ არის:

„საფრანგეთი არამხოლოდ განცხადებებს აკეთებს, ის მუდმივად იმეორებს, რომ ჩვენს სუვერენიტეტსა და ტერიტორიულ მთლიანობას ცნობს და გვეხმარება არაღიარების პოლიტიკაში. განცხადების იქით ასევე, არის მზადყოფნა, რომ რუსეთს თავისი ვალდებულებები ყველანაირად გაახსენოს იმ ფორმატში და იმ მომენტში, როდესაც ამის საშუალება მიეცემა. ეს მზადყოფნა არსებობს“, - განაცხადა სალომე ზურაბიშვილმა.