ცხენის ხორცი საბავშვო ბაღებში - კომპანია, რომელიც სამტრედიის ბაღებს ცხენის ხორცით ამარაგებდა, ბათუმის საბავშვო აბღებსაც ემსახურება. ამის შესახებ ეჭვს ოპოზიცია გამოთქვამს.

საკრებულოს დეპუტატების განმარტებით, ხორცი სამტრედიასა და ბათუმშიც ერთი და იგივე სასაკლაოდან მოაქვთ.

„იმ ორგანიზაციის წარმომადგენელი, რომელმაც ტენდერში გაიმარჯვა, ეს არის შპს „ნარგული“, არის ზუსტად ის ადამიანი, ნუგზარ მარკოიძე, რომელსაც სამტრედიასა და გურიის ერთ-ერთ ბაღში შეჰქონდა ცხენის ხორცი. სასაკლაო, საიდანაც ხდებოდა სამტრედიაში შეტანა, ზუსტად იმ სასაკლაოდან ხდება ბათუმშიც შემოტანა,“- განაცხადა ბათუმის მუნიციპალიტეტის საკრებულოს ფრაქცია ენმ-ს წევრმა, ლევან ანთაძემ.

ოპოზიცია საკითხის შესწავლა პროკურატურას სთხოვს:

„ბათუმის საბავშვო ბაღებში ცხენის ხორცის შემოტანის ფაქტი არასოდეს დაფიქსირებულა. ჩვენ წლების განმავლობაში ვთანამშრომლობთ ამ მომწოდებელთან. მე უბრალოდ არ მაქვს საფუძველი, რომ ხელშეკრულება შევწყვიტო, ან რამე შენიშვნა მაინც მივცე ამ კომპანიას,“- აღნიშნა მამუკა შამილიშვილმა.