TBC ბანკის დამფუძნებლები დუმილს არღვევენ - "სახელმწიფოს ერთ-ერთი სტრუქტურა აკეთებს სახალხო განცხადებას, როცა გამოძიება დამთავრებულიც არ არის"

პოლიტიკა - 18:10, 18 Feb, 2019

1934

რატომ დაიწყო პროკურატურამ გამოძიება 11 წლის წინანდელ საქმეზე და უკავშირებენ თუ არა "თი ბი სი"-ს დამფუძნებლები მათ წინააღმდეგ დაწყებულ პროცესებს ანაკლიის პორტსა და რუსეთის ინტერესებს.

მედიის წარმომადგენელთა შესაბამის კითხვებს დღეს ბანკის დამფუძნებლებმა პირადად უპასუხეს.

"რატომ დაიწყო პროკურატურამ 11 წლის წინანდელი ტრანზაქციის გამოძიება, ამ კითხვაზე პასუხი არ გვაქვს. ვეთანამშრომლებით პროკურატურას, მივაწოდეთ ყველა ის ინფორმაცია, რაც მოგვთხოვეს და მომავალშიც მივაწვდით"- განაცხადა ბადრი ჯაფარიძემ.
მისი თქმით, შს მინისტრს მათთან წილების დათმობაზე საუბარი არ ქონია .
"აბსოლუტური სიცრუეა, მსგავსი თხოვნა არ ყოფილა"- თქვა მან.

ანაკლიის პორტის გაჩერებისა და რუსეთის ინტერესებზე დასმული კითხვის საპასუხოდ მამუკა ხაზარაძემ განაცხადა, რომ "დასკვნას ვერ გააკეთებს", თუმცა იქვე დასძენს, რომ
"მე ახლა ვერანაირ დასკვნას ვერ და არ გავაკეთებ. მთელი პასუხისმგებლობით ვსაუბრობ, არა იმიტომ, რომ თქვენ კითხვას ავარიდო თავი, სიტუაცია გვაქვს შემდეგი 5 წელია მიმდინარეობს მოლაპარაკებები საფინანსო ინსტიტუტებთან და პრაქტიკულად რამდენიმე კვირის წინ, ყვალა საფინანსო ინსტიტუტმა დაამთავრა პროექტის ყველა ასპექტის შესწავლა. რასაც ერთი წლის წინ, სწორედ ამ დროს მოვაწერეთ ხელი და ველოდებით ფინანსურ თანხმობას. საკმაოდ რთული პროცესია მაისი-ივნისის თვეში. ეს დაჩქარებული გამოძიება, რომელიც დაიწყო პროკურატურის მხრიდან და იმ ინფორმაციების გაჟონვებმა, რაც google-ში და საერთაშორისო პრესაში მოხვდა, თითქოს მე და ბადრის კავშირი გვაქვს დანაშაულთან პირდაპირ ურტყამს იმ ხელშეკრულების გაფორმებას როგორ წარმოგიდგენიათ, რომელი საფინანსო ინსტიტუტი მოაწერს ხელს რომელიც ერთ-ერთ მთავარ ინვესტორთან და თავმჯდომარესთან, რომელთანაც იხსნება ე.წ. არარსებული საქმე.
ამავე დროს მინდა გულწრფელად გითხრათ, რომ სახელმწიფო გვერდში გვიდგას. ეს მომენტი მაშფოთებს: ერთის მხრივ ჩვენ ამ პროექტთან დაკავშირებით შეფერხება არ გვაქვს, მეორეს მხრივ სახელმწიფოს ერთ-ერთი სტრუქტურა აკეთებს ასეთ სახალხო განცხადებას, მაშინ როცა გამოძიება დასრულებული არ არის. სასამართლო დანიშნულიც არ არის ეროვნული ბანკის"- თქვა ხაზარაძემ.

რუსეთის ინტერესების გათვალისწინებით ანაკლიის პორტის გაჩერებაზე და ამ საქმეში ბიძინა ივანიშვილის შესაძლო მონაწილეობაზე კითხვის ნიშნნები ოპოზიციამ დასვა.
ხელისუფლების ოპონენტები ამბობენ, რომ ასეთ ვითარებაში ანაკლიის პორტი დაფინანსების მიღებას ვერ შეძლებს, რაც მის დახურვას გამოიწვევს.