„ნაზი ჯანეზაშვილის და ანა დოლიძის ქონება უფრო უკეთესად გამოიყურება“

„ნაზი ჯანეზაშვილის და ანა დოლიძის ქონება უფრო უკეთესად გამოიყურება“ - ვანო ზარდიაშვილი

პოლიტიკა - 15:42, 18 Feb, 2019

1171

მოსამართლეების ქონებაზე საუბრისას საპარლამენტო უმრავლესობის წევრი ვანოზ არდიაშვილი აცხადებს, რომ მეორეხარისხოვანია კითხვა თუ როგორ გამდიდრდნენ მოსამართლეები უმოკლეს დროში და რატომ არის მათი ქონების ღირებულება უფრო გადაჭარბებული ვიდრე დეკლარირებული შემოსავალი:

„იგივე მიხეილ ჩინჩალაძეზე, რომელიც უკვე 12 წელია, მოსამართლეა და, ალბათ, 30 წელია, საჯარო მოხელეა, აქვს 100 ათასი დოლარი კრედიტი აღებული, ამას იხდის 2004 წლიდან, ასევე ჩინჩალაძეზე შეიძლება ითქვას, რომ ის ქონებები, რაც "რუსთავი 2-მა" ახლა. ვითომ. აღმოაჩინა, შეძენილია 2006 წელს და 2008 წელს. რატომ მოხდა მაინცდამაინც ამ საკითხის ახლა წამოწევა, ეს არის უცნაური. ასევე, მოვუწოდებ არასამთავრობო სექტორს, რადგან იუსტიციის უმაღლესი საბჭოს წევრების ქონება ამოიღეს და ეს გახადეს დასასაბუთებელი, მე გადავავლე თვალი ქალბატონი ნაზი ჯანეზაშვილის ქონებას, რომელიც საკმაოდ შთამბეჭდავად გამოიყურება და "რუსთავი 2" თუ მოინდომებს, დამიჯერეთ, ქალბატონი ნაზის და ანას ქონება უფრო უკეთესად გამოიყურება, ვიდრე თამარ ალანიას თუ დიმიტრი გვრიტიშვილის თუ მამია ფხაკაძის ქონებები,“ - განაცხადა ვანო ზარდიაშვილმა.