"გადავარჩინოთ მამა გიორგის სიცოცხლე!" - დეკანოზის ადვოკატები საინიციატივო ჯგუფს ქმნიან

პოლიტიკა - 09:54, 18 Feb, 2019

799

ე.წ ციანიდის საქმეზე მსჯავრდებული სასულიერო პირის, დეკანოზ გიორგი მამალაძის ადვოკატები საინიციატივო ჯგუფის შექმნას აანონსებენ, რომელიც სასულიერო პირის სიცოცხლის გადასარჩენად იქნება მიმართული. ინიციატივა- „გადავარჩინოთ მამა გიორგი მამალაძის სიცოცხლე!“ ადვოკატებმა მას შემდეგ გაასაჯაროეს, რაც დეკანოზი მამალაძე გვიან ღამით საავადმყოფოში მოინახულეს.

გიორგი მამალაძის უფლებადამცველების თქმით, მისი ჯანმრთელობის მდგომაროება კვლავ კრიტიკულია და მას ისევ არ უმუშავებს მარჯვენა კიდურები და უჭირს მეტყველება.

ადვოკატები გიორგი მამალაძის ციხეში დაბრუნებას დაუშვებლად მიიჩნევენ და ამასთან დაკავშირებით დღეს პრესკონფერენციის გამართვას გეგმავენ,

დეკანოზის ძმა თორნიკე მამალაძე ჯანდაცვის მინისტრს მოუწოდებს, რომ მამა გიორგი მამალაძის ჯანმრთელობის მდგომარეობით დაინტერესდეს.

„მეტყველება უჭირს, ძალიან ცუდი ფერი აქვს. სამწუხაროდ, ექიმები ამასთან დაკავშირებით არ საუბრობენ. მე როგორც გავიგე, ეს არის „ქართული ოცნების“ დეპუტატის კლინიკა, გოცირიძის. ეჭვი მაქვს, რომ ეს დეპუტატი ექიმებზე ზემოქმედებს,“ - განაცხადა თორნიკე მამალაძემ