"ევროპული საქართველოს" წევრი ირაკლი აბესაძე მოსამართლეთა არადეკლარირებული ქონების სამართლებრივ შესწავლას ითხოვს. მისი განცხადებით, არსებობს სისხლის სამართლის დანაშაულის ნიშნები, თუმცა, ხელისუფლების მიერ მართული პროკურატურის პირობებში ობიექტურის გამოძების შესაძლებლობა არ არსებობს.

„ცალსახად შეგვიძლია, უკვე ვთქვათ, რომ სამწუხაროდ, ივანიშვილის ხელისუფლების ერთ-ერთი მთავარი ბოროტება არის სასამართლო სისტემაში კორუფციის დაბრუნება. და რა თქმა უნდა, განსაკუთრებით საგანგაშოა, როდესაც ამ კორუფციაში ხშირ შემთხვევაში ჩართულია თავად სახელმწიფო და სახელმწიფო დაკვეთის შესრულებაში იღებენ მოსამართლეები სხვადასხვა უკანონო ქონებას და უკანონო შემოსავლებს. არსებობს სისხლის სამართლის დანაშაულის ნიშნები და ნორმალურ შემთხვევაში, სახელმწიფო დეტალურად უნდა იძიებდე სმოსამართლეების მიერ მსგავსი დაუსაბუთებელი ქონების შეძენის და მიღების ფაქტებს. მაგრამ, რა თქმა უნდა, არ შეიძლება, იმედი გვქონდეს ქართული ოცნებისპროკურატურის,“ - განაცხადა ირაკლი აბესაძემ.