"შაბათის კურიერში" მოსამართლეების არადეკლარირებული ქონებისა და ფეშენებელური სახლების შესახებ გასული რეპორტაჟის მიუხედავად, "ქართული ოცნება" სასამართლო სისტემაში კორუფციის ნიშნებს ვერ ხედავს.

„საუბარია ხშირ შემთხვევაში იმაზე, რომ ადამიანებს ჰქონდათ ქონება, ადამიანებს ადრე ჰქონდათ შემოსავალი და გააჩნიათ და არავის არაფერი დამალული არა აქვს. როდესაც ცალმხრივად ხდება ინფორმაციის მიწოდება, ეს საზოგადოებაში იწვევს ნდობის შესუსტებას და ეს არის ძალიან ცუდი ფაქტორი. მედია უნდა იყოს კრიტიკული, თუმცა, უნდა იყოს ობიექტური, რასაც, ხშირ შემთხვევაში, რუსთავი2-ის მხრიდან ვერ ვხედავთ. თუკი ადამიანი წლების განმავლობაშია მოსამართლე და აგროვებენ ისინი საკუთარ თანხას და ამითი ისინი რაღაც შენაძენს აკეთებენ, რა არის ამაში კანონსაწინააღმდეგო?“ - განაცხადა ანდრი ოხანაშვილმა.