მამა გიორგი მამალაძის ოჯახი საპატრიარქოსთან აქციებს განაგრძობს. დეკანოზის ზიარების შემდეგ ოჯახის წევრებს ერთადერთი მოთხოვნა რჩებათ - მისი გათავისუფლება, მის ჯანმთელობის მდგომარეობის გათვალისწინებით.

მამა გიორგი მამალაძის ძმა, თორნიკე მამალაძე, საქართველოს პრეზიდენტს დეკანოზის შეწყალების თხოვნით მიმართავს.

„ის, რომ ზიარება მოხდა, ეს არის კარგი, მაგრამ, სამწუხაროდ, სანამ ამ მდგომარეობამდე არ მივიდა, არ მოხდა მისი ზიარება. მე მივმართავ სრულიად საქართველოს კათოლიკოს პატრიარქს, რადგანაც ჩემი ძმა არის სასულიერო პირი და მისი მღვდელია. ასეთი განმეორებით შემთხვევაში, ჩემი ძმის სიცოცხლეს საფრთხე ემუქრება. ამიტომაც მიმართოს საქართველოს პრეზიდენტს შეწყალების თხოვნით და ასე რომ ვთქვათ, შეასრულოს თავის მოვალეობა მწყემსი კეთილობით,“ - განაცხადა თორნიკე მამალაძემ.