ქართული ოცნება მოსამართლეების საკუთრებაში არსებულ ძვირადღირებულ, ფეშენებელური ვილებში, სახლებსა და ხშირ შემთხვევაში, დაუსაბუთებელ ქონებაში უჩვეულოს ვერაფერს ხედავს.

უმრავლესობის წევრები აცხადებენ, რომ მოსამართლეების ქონების წარმომავლობასთან მათ არანაირი შეკითხვები არა აქვთ.

„ნამდვილად საამაყოა იმ კუთხით, რომ ჩვენთან იყოს რაიმე კორუფციის ნიშნები, ეს არ არსებობს. არაერთი კვლევით იყო დადგენილი. ეს პირადად მე, რაც ჩვენი საერთაშორისო პარტნიორების კვლევებიდან ვიცი, დანარჩენი მე ეს სიუჟეტი არ მინახავს. მე ეს ყველაფერი უფრო სპეკულაცია მგონია,“ - განაცხადა დავით მათიკაშვილმა.