„აფურთხებდა პოლიციის უფროსი, თეთრი ვიყავით ფურთხითო“ - პოლიციის განყოფილებაში 4 ახალგაზრდა რადიატორზე მიაბეს და აწამეს. აღნიშნულის შესახებ დეტალებს „შაბათის კურიერი“ გაასაჯაროვებს.

ვიდეოკადრების ავტორის ინფორმაციით, გლდანი-ნაძალადევის პოლიციის მე-9 განყოფილებაშია გადაღებული.

მასალაში კარგად ჩანს, როგორ უსწორდებიან პოლიციელები დაკავებულ ახალგაზრდას, ერთ-ერთი პოლიციელი მას ჯერ მაგიდაზე არტყმევინებს თავს და შემდეგ ცემას განაგრძობს.

ვიდეომასალაში ახსენებენ „ჭინჭილას“, რომელიც ერთ-ერთი დაკავებული - თამაზ კუჭაშვილია. ის ორ მეგობართან - ბექა სამარღანიშვილთან და თორნიკე საღინაძესთან, ერთად პოლიციელებმა 4 თებერვალს საღამოს ქუჩიდან წაიყვანეს, უთხრეს, რომ უფროსს მათთან დალაპარაკება უნდოდა.

„კურიერი“ ექსკლუზიურად ასაჯაროვებს კადრებს, სადაც სამარტალდამცავების დანაშაული ჩანს.