"ევროპული საქართველოს" ერთ-ერთმა ლიდერმ გიგი უგულავამ დღეს გამართულ ბრიფინგზე 2018 წლის იმ ინფრასტრუქტურულ პროექტებზე ისაუბრა, რომლებზეც ბიუჯეტიდან გამოყოფილი თანხა არ დახარჯულა და შესაბამისად, აუთვისებელი დარჩა 169 მილიონი ლარი.

"ეს მონაცემები ეკუთვნის კონტროლის პალატას, ანუ აუდიტის ივანიშვილის მიერ პრემიერად მივლინებული პირი ბატონი ბახტაძე, რომელიც ბიუჯეტის დაგეგმვისას ფინანსთა მინისტრი იყო, სრულად არის პასუხისმგებელი დაგეგმვასა და შესრულებაზე. ისმის შემდეგი კითხვა: გვჭირდება თუ არა ეს პროექტები ჩვენ? გასაგებია, რომ ანაკლიის პორტისკენ მიმავალი გზა გადაყვა ხაზარაძეს, მაგრამ 10 მილიონი ლარი სკოლების ენერგოეფექტურობის და ინფრასტრუქტურის განვითარებაზე რატომ არ დაიხარჯა? რატომ არ დაიხარჯა ქუთაისის აეროპორტის მიმდებარედ სატრანსპორტო კვანძის მოწყობაზე, როდესაც ჩვენ ვხედავთ იქ უამრავ ავარიას და ვხედავთ უამრავ ტურისტს, რომლებიც სარგებლობენ ამ აეროპორტით.

საზოგადოებას მინდა ვუთხრა, ეს აუთვისებელი 169 მილიონი ლარი საკმარისი იქნებოდა იმისთვის, რომ მინიმუმ 30 ლარით გაზრდილიყო პენსია, ან შესაძლებელი იქნებოდა 25%-ით შემცირებულიყო საწვავზე აქციზის გადასახადი, რაც გააიაფებდა ისედაც გაძვირებულ ამ პროდუქტებს. ეს არის კლასიკური მაგალითი, როგორ არ უნდა იმართებოდეს ქვეყანა, რას ნიშნავს უნიათობა და უვიცობა, რომელიც უკვე დანაშაულის ტოლფასია. ყველაფერს რომ თავი დავანებოთ, სულ რომ სარგებელი არ ყოფილიყო ამ პროექტებიდან, 1 წლის განმავლობაში მიიღებდა ხელფასებს, იარსებებდა და შეინახავდა ოჯახებს. აი, რატომ მივდივართ უკან და რატომ ვერ მუშაობს მთავრობა. ეს არის დიაგნოზი იმისა, რატომ არის "ქართული ოცნების" მთავრობა არა მავნებელი, არამედ უკვე დანაშაულებრივი,"- განაცხადა გიგი უგულავამ.