გმირად შერაცხული ჯალათი გლდანის ციხიდან - „ბედუკაძე არის გარეწარი, ძმა მიწამა“

„შაბათის კურიერმა“ სკანდალური გრიფით საიდუმლო მასალები მოიპოვა. სკანდალურ ჩვენებეში პატიმრები წერენ, რომ ლადო ბედუკაძე წამების სცენებს თავად დგამდა და შემდეგ ვიდეოკამერით იღებდა.

2012 წლის 18 სექტემბერს ბედუკაძის მიერ გადაღებულმა სატელევიზიო ეთერში გასულმა კადრებმა მთელი საქართველო შეძრა. პატიმრების მიმართ არაადამიანური მოპყრობის ამსახველ ქმედებებში თავად ბედუკაძე რომ მონაწილეობდა, ამას მის მიერ გადაღებული მასალა ადასტურებდა.

პატიმრები გამოძიებისთვის მიცემულ ჩვენებებში ამბობენ, რომ გმირად გამოცხადებული ციხის ჯალათი სექსუალური ძალადობის ინსცენირებას ახდენდა - თითქოს, პატიმრებს აუპატიურებდნენ, ამ კადრებს კი კამერით იღებდა და ინახავდა.

ჩვენებებით დგინდება, რომ ბედუკაძე პატიმრებზე ძალადობდა თავად და ბრძანებას აძლევდა სხვებსაც.

მსჯავრდებულების სკანდალურ ჩვენებებს, საქმის მასალების მიხედვით, კიდევ უფრო ამყარებს მერვე დაწესებულების თანამშრომლების ჩვენებები. ისინი გამოძიებისთვის მიცემულ ჩვენებაში ადასტურებენ, რომ პატიმრების წამებისა და არაადამიანური მოპყრობის ფაქტები ბედუკაძის მიერ იყო ორგანიზებული.

„ცოცხი უკანალთან ისე მომადეს, რომ საცვალი არ ჩაუწევიათ, ეს ყველაფერი ვლადიემრ ბედუკაძემ გადაიღო ვიდეო კამერით“, - ნათქვამია პატიმრის ერთ-ერთ ჩვენებაში.

იხილეთ ვრცლად: rustavi2.ge