"დღეს საქართველო ერთი მსახიობის თეატრად იქცა, ეს მსახიობი ბიძინა ივანიშვილია"- ბაჩუკი ქარდავა

პოლიტიკა - 17:30, 15 Feb, 2019

735

დეპუტატ ეკა ბესელიას პირადი ცხოვრების კადრების გავრცელებაში ბრალდებული სპეცრაზმელის ზაალ ლატარიას სასამართლო პროცესი დაიწყო. პროკურატურამ სასამართლო სხდომის სრულად დახურვის შუამდგომლობა დააყენა, რაც მოსამართლემ გაითვალისწინა.

თბილისის საქალაქო სასამართლოში იმყოფება გაერთიანებული ოპოზიციის „ძალა ერთობაშიას“ ერთ-ერთი ლიდერ ბაჩუკი ქარდავა. მისი განცხადებით, საქართველო პოლიტიკურ ინსტიტუტად იქცა, ლატარიას პროცესი არის პოლიტიკური:

„დღეს საქართველო ფაქტობრივად ერთი მსახიობის თეატრად არის ქცეული, ეს ერთი მსახიობი არის ბიძინა ივანიშვილი, რომელიც ავრცელებს პირადი ცხოვრების ამსახველ კადრებს თავისი ინტერესებიდან გამომდინარე, ხოლო შემდგომ, იმ ადამიანებს, რომლებსაც ანახებენ ამ კადრებს და ხელი წაუცდებათ, სჯის. ამას არ მივესალმები, მაგრამ მგონი საქართველოს პარლამენტის მთელ შემადგენლობას ნანახი აქვს, მაშინ მთელი პარლამენტი აიყვანოს ბიძინა ივანიშვილმა და ეს ადამიანი, რომელიც მსხვერპლია იმ ქმედებებისა, რა პოლიტიკასაც აწარმოებს დღეს ბიძინა ივანიშვილი ქვეყანაში, ასამართლებენ. ეს რა თქმა უნდა, პოლიტიკური პროცესია. პოლიტიკოსებს ორი ოფისი გვაქვს, ერთი პარტიული ოფისები და მეორე სასამართლო, იმიტომ რომ სასამართლო ფაქტობრივად იქცა პოლიტიკურ ინსტიტუტატ“, - განაცხადა ბაჩუკი ქარდავამ.