სკანდალი: "უხარისხო ჩინურ ბათინკებში თავდაცვის სამინისტრომ სამ მილიონამდე ლარი დახარჯა"

პოლიტიკა - 10:13, 14 Feb, 2019

1487

თავდაცვის სამინისტრო სკანდალში ეხვევა. "ფლანგვის დეტექტორი" -ს მიერ გავრცელებული კვლევის თანახმად, იზორიას უწყების მიერ ბიუჯეტიდან გაფლანგულია 3 მილიონამდე ლარი უხარისხო სამხედრო ფეხსაცმელის შესაძენად.

ფლანგვის დეტექტორის” მკვლევარი დავით მჟავანაძე აცხადებს, რომ კომპანია “ნიუ ატლასი” თავდაცვის სამინისტროს მხრიდან პრიორიტეტით სარგებლობს და მას უწყება ყოველ ჯერზე ტენდერში იმ პირობებს სთავაზობს, რომელიც კომპანიისთვის ხელსაყრელია.

როგორც ირკვევა, 2018 წელს “ნიუ ატლასი” შესყიდვების სააგენტოს შავ სიაში ყავდა შეყვანილი ტენდერის პირობების დარღვევისთვის, თუმცა ის კვლავ აგრძელებს ტენდერებში მონაწილეობას და იმარჯვებს კიდეც.

“ნიუ ატლასი” 2015 წლიდან იგებს სახელმწიფო ტენდერებს და სტაბილურად არღვევს ტენდერის პირობებს.

თავდაცვის სამინისტრო უხარისხო ნიმუშის წარდგენის შემდეგ ცვლის ტენდერის პირობებს და პროდუქტს იწონებს.

2015 წლიდან უნიფორმის შესყიდვის ტენდერების 30% არაკონკურენტულ გარემოში იმართება, რაც პროდუქციის ფასს ზრდის"- ნათქვამის კვლევაში.

„ეს კომპანია 2018 წელს შესყიდვების სააგენტოს შავ სიაშიც ჰყავდა შეყვანილი სატენდერო პირობების დარღვევის გამო, სხვა ძალოვან სტრუქტურასთან მიმართებაში, ფაქტია, რომ თავდაცვის სამინისტრო პატიობდა ამ კომპანიას სატენდერო პირობების დარღვევას ყველა ჯერზე და ცდილობდა, სატენდერო პირობებიო მოერგო იმ პირობებს რასაც ეს კომპანია სთავაზობდა“-ამბობს ”ფლანგვის დეტექტორის” მკვლევარი დავით მჟავანაძე.