ეკა ბესელია ვანო ზარდიაშვილის განცხადებას არაპროფესიონალურს უწოდებს და აცხადებს, რომ ის ყოველგვარ ეთიკის ნორმებს გასცდა.

ეკა ბესელია დარწმუნებულია, რომ მისი მისამართით გაკეთებული ვანო ზარდიაშვილის განცხადება საპარლამენტო უმრავლესობის მხრიდან რეაგირების გარეშე არ დარჩება.

"რაც შეეხება იმ უნიჭო და სამარცხვინო კომენტარს, რაც გაკეთდა კლასებთან დაკავშირებით, ჩემთვის ეს ნაკლებად საინტერესოა, მაგრამ შეურაცხმყოფელი იყო კოლეგების მიმართ. ამაზე, ალბათ, შესაბამისი რეაგირება იქნება იმიტომ, რომ ეს გასცდა ყოველგვარი კორექტულობის და გონივრულობის ფარგლებს. ეს ისეთი სტილია, რომელიც ვიცით, ვისი ხელწერაც არის. არ მინდა ამაზე შორს წავიდე, მაგრამ ნამდვილად საჭირო იქნება რეაგირება იმ განცხადებაზე, რომელსაც მე არ ვთვლი საპასუხოდ, მაგრამ დანარჩენი კოლეგების მიმართ იყო უპატივცემულო", - განაცხადა ეკა ბესელიამ.

შეგახსენებთ, რომ ეკა ბესელია ვანო ზარდიაშვილმა კონსტიტუციის უცოდინარობაში დაადანაშაულა და აღნიშნა, რომ მის ინიციატივას პირველ კურსელი სტუდენტიც კი არ მოაწერს ხელს.