"ეროვნული უშიშროების საბჭოს გაუქმება იყო პოლიტიკური კინკლაობა და ჟონგლიორობა" - აბესაზეს ეროვნული უსაფრთხოების საბჭოს შექმნის შესახებ კანონპროექტთან დაკავშირებით აქვს

პოლიტიკა - 14:33, 13 Feb, 2019

719

„ევროპული საქართველოს“ წევრს, ირაკლი აბესაძეს ეროვნული უსაფრთხოების საბჭოს შექმნის შესახებ კანონპროექტთან დაკავშირებით აქვს.

საპარლამენტო უმცირესობის წარმომადგენელი მიიჩნევს, რომ კანონპროექტის წარდგენით კიდევ ერთხელ დადასტურდა, რომ თავის დროზე ეროვნული უშიშროების საბჭოს გაუქმების, ეროვნული უსაფრთხოების საბჭოს შემქნის და შემდგომ კვლავ გაუქმების მიზეზი პოლიტიკური კინკლაობა იყო.

„საინტერესოა, რატომ არ მონაწილეობს არანაირი ფორმით საბჭოს მუშაობაში კვლავ საქართველოს პრეზიდენტი... ამ კანონპროექტის წარმოდგენით საქართველოს მთავრობამ პრაქტიკულად დაადასტურა, რომ თავის დროზე ეროვნული უშიშროების საბჭოს გაუქმება, ეროვნული უსაფრთხოების საბჭოს შემქნა და შემდგომ კვლავ გაუქმება იყო მხოლოდ და მხოლოდ პოლიტიკური კინკლაობა და პოლიტიკური ჟონგლიორობა ქვეყნის ეროვნული ინტერესებისთვის ასეთი უმნიშვნელოვანესი საკითხით, როგორიც არის ეროვნული უსაფრთხოების პოლიტიკის შემუშავება. დღეს ეროვნული უსაფრთხოების საბჭოს თავიდან შექმნა შეიძლება ითქვას, რომ წინ გადადგმული ნაბიჯია, მაგრამ შეიძლება ითქვას, რომ ამ მიმართულებით ბევრი კითხვის ნიშანი დგას, რამდენად ეფექტური იქნება ის და რამდენად ადეკვატურად გაუმკლავდება პრობლემებსა და გამოწვევებს. პირველ რიგში საინტერესოა რატომ არ მონაწილეობს არანაირი ფორმით საბჭოს მუშაობაში კვლავ საქართველოს პრეზიდენტი,“- განაცხადა „ევროპული საქართველოს“ წევრმა, ირაკლი აბესაძემ.

შეგახსენებთ ხელისუფლება საქართველოს ეროვნული უსაფრთხოების საბჭოს ქმნის. შესაბამის კანონპროექტს თავდაცვისა და უშიშროების კომიტეტის სხდომაზე განიხილავენ.