"ზონდერი და შიზოიდი არ უნდა ხელმძღვანელობდეს ფედერაციას" - განხეთქილება ჭიდაობის "ოჯახში" და საიდუმლო შეხვედრა ბაკურიანში

სპორტი - 12:38, 13 Feb, 2019

7874

ჭიდაობის ფედერაციის პრეზიდიუმი რამდენიმე დღეში საგანგებო შეკრებას და 11 იანვარს სპორტის სასახლეში მომხდარ დაპირისპირებაზე მსჯელობას აპირებს. თუმცა გავრცელებული ინფორმაციით პრეზიდიუმის ნაწილი ოფიციალურ შეხვედრამდე ბაკურიანში შეიკრიბა, სადაც თავისუფალი სტილით მოჭიდავეთა ნაკრები მომზადებას გადის და მათთან ერთად იმყოფებოდა ფედერაციის პრეზიდენტის ძმა ლადო გეგეშიძე. ვრცელდება ინფორმაცია, რომ ამ შეხვედრაზე გეგეშიძე-დათუნაშვილის კონფლიქტის მოგვარების გზებზეც ისაუბრეს.

როგორც ირკვევა შეხვედრაზე სპორტის სასახლეში მომხდარი ინციდენტი განიხილეს და მისი მოგვარების გზებზეც იმსჯელეს.

„მე ვიყავი მაინტერესებდა მათთან საუბარი, გავესაუბრე ხალხს და მოვდივარ უკან. საუბარი შეეხებოდა მოვლენებს, ასე გაგრძელება არ შეიძლება და ყველაფერი უნდა მოწესრიგდეს. ამ თემაზე ვილაპარაკეთ და ხვალ თუ ზეგ შევხვდები ზურას და დაველაპარაკები,“-განაცხადა ჭიდაობის ეროვნული ფედერაციის პრეზიდიუმის წევრმა რომან რურუამ რუსთავი2-თან სატელეფონო ინტერვიუს დროს.

შეხვედრაზე არ მიუწვევიათ ჭიდაობის ეროვნული ფედერაციის პრეზიდიუმის ყველა წევრი, რაც იმას ადასტურებს, რომ ამ საკითხთან მიმართებაში პოზიციები გასხვავებულია.

„არ დავუპატიჟებივარ და არც ვყოფილვარ. ყრილობა ჩატარდა სიყალბით, კანონის დარღვევით და მისთვის ხმა არ მიმიცია სიმართლეს გაუმარჯოს. ზონდერი და არაადეკვატური და შიზოიდი კაცი არ უნდა ხელმძღვანელობდეს ეროვნულ ფედერაციას,“-განაცხადა გურამ საღარაძემ რუსთავი2-თან სატელეფონო ინტერვიუს დროს.