ე.წ. ციანიდის საქმე და დეკანოზ გიორგი მამალძის შეწყალების საკითხი - ჭყონდიდელი მიტროპოლიტის მეუფე პეტრეს განცხადებით, პრეზიდენტი შეწყალების გადაწყვეტილებას დამოუკიდებლად ვერ გადადგამს და ამისთვის მინიმუმ საპატრიარქოს თხოვნა და ტანხმობაა საჭირო:

„ნამდვილად მის მიმართ არ მაქვს მაღალი შეხედულება და ზოგადად მისი გაპრეზიდენტება იყო, როგორც ჭაბუა ამბობს, უსამართლობითა და ძალმომრეობით გატანილი ლელო. მე ვიტყოდი, რომ, როგორც საპრეზიდენტო სასახლეში ის არ და ვერ შევიდა დამოუკიდებლად, ისე ამ ნაბიჯს დამოუკიდებლად ვერ გადადგამს. როგორც მინიმუმ, საპატრიარქოს თხოვნა თუ თანხმობა სჭირდება ისევე, როგორც წინა პრეზიდენტის შემთხვევაში, რომელსაც ასევე სინდისიერება და პრინციპულობა არ აღმოაჩნდა, რომ პატრიარქის გარეშე მიეღო სწორედ სამართლიანი გადაწყვეტილება. აქაც იგივე იქნება. საპატრიარქოს ხელთ არის ახლა გადაწყვეტილება. პატრიარქის ხელთ არის ახლა გასაღები შეწყალების თუ არშეწყალების,“ - განაცხადა მეუფე პეტრემ.