"ერთ მხრივ გვქონდა თავდასხმა სახელმწიფოზე, მეორე შემთხვევაში კონკრეტულ ადამიანზე" - სოფო კილაძემ გეგეშიძის და კირკიტაძის საქმეები შეადარა

პოლიტიკა - 20:00, 12 Feb, 2019

1160

სოფო კილაძემ დღეს ტვ პირველის ეთერში გეგა გეგეშიძის და დავით კირკიტაძის საქმეები ერთმანეთს შეადარა და განაცხადა, რომ გასათვალისწინებელია სხვადასხვა გარემოებები:

„იყო ორი კონკრეტული შემთხვევა სხვადასხვა გარემოებების გათვალისწინებით. ერთ მხრივ გვქონდა თავდასხმა პოლიციელზე ანუ სახელმწიფოზე, დღისით-მზისით, წარმოუდგენლად დამამცირებელი ქმედება დავით კირკიტაძის მხრიდან

მეორე შემთხვევაში გვქონდა იგივე დამამცირებელი ქმედება, ოღონდ კონკრეტული ადამიანზე მიმართ, რომელიც როგორც ინდივიდი, ბუნებრივია ძალიან მნიშვნელოვანია სახელმწიფოსთვის.“- განაცხადა სოფო კილაძემ.

შეგახსენებთ, გეგა გეგეშიძე პოლიციამ სპორტის სასახლეში მომხდარ ფაქტთან დაკავშირებით სისხლის სამართლის კოდექსის 126-ე მუხლის 1 ნაწილით დააკავა, რაც ძალადობას გულისხმობს. სასამართლომ კი 5000 ლარიანი გირაოთი გაათავისუფლა. გეგეშიძეს ზურაბ დათუნაშვილი მასზე განხორციელებულ ფიზიკურ ძალადობაში ადანაშაულებს.

დავით კირკიტაძე სისხლის სამართლის კოდექსის 353-ე პრიმა მუხლის პირველი ნაწილით არის დაკავებული. აღნიშნული მუხლი გულისხმობს პოლიციელზე თავდასხმას მის სამსახურებრივ საქმიანობასთან დაკავშირებით. დღეს გამართულ სასამართლო პროცესზე გურჯაანის საქალაქო სასამართლოს მოსამართლემ გაერთიანებული ოპოზიცია "ძალა ერთობაშიას" ერთ-ერთი ლიდერი დავით კირკიტაძე პატიმრობაში დატოვა. მოსამართლემ ადვოკატის შუამდგომლობა არ დააკმაყოფილა, რომელიც კირკიტაძისთვის გირაოს შეფარდებას ითხოვდა. ოპოზიციაში მოსამართლის განაჩენი პოლიტიკურ გადაწყვეტილებად შეფასდა.