სუს-ის პროვოკატორები ლიეჟში - ბელგიის პოლიცია მოკვლევას იწყებს

პოლიტიკა - 18:21, 12 Feb, 2019

1935

მოძრაობის „ერთად სახლში“ ორგანიზატორის გიორგი სიგუას განცხადებით, იმ პროვოკაციული ქმედებების გამო, რომელიც საქართველოს ხელისუფლების ხელშეწყობით ბელგიის ქალაქ ლიეჟში განხორციელდა, შესაბამისი საჩივრები შევა ბელგიის სამართალდამცავ ორგანოებში. სიგუას თქმით, საქართველოს ხელისუფლებამ, არა მარტო ზონდერები და პროვოკატორები გააგზავნა ლიეჟში, სადაც საქართველოს მესამე პრეზიდენტი ემიგრანტებს ხვდებოდა, არამედ სპეცსამსახურების თანამშრომლებიც, რაც ბელგიის კანონის დარღვევა და ამ ქვეყნის შეურაცხყოფაა.

„იურისტები უკვე ამზადებენ შესაბამის დოკუმენტაციას, რომელსაც ჩვენ შევიტანთ ბელგიის შსს-ში, უსაფრთხოების სამსახურში და ანტიტერორისტულ სამსახურში, ეს არის უსერიოზულესი საკითხი. ეს არის არა მარტო საქართველოს მოქალაქეების უფლებების დარღვევა არამედ ბელგიის კანონების დარღვევა და ბელგიის სახელმწიფოს შეურაცხყოფა. ის არ იკმარა, რომ გამოაგზავნა ზონდერები, ციცინო დეიდები, პროვოკატორები და ჯიბის ჟურნალისტები, ასევე გამოაგზავნა სპეცსამსახურების თანამშრომლები, რაც არის სრული შეურაცხყოფა და კანონდარღვევა ბელგიის სამეფოსი. ეს არავითარ შემთხვავაში არ უნდა დარჩეს შეუმჩნეველი და დაუსჯელი. გვაქვს ფოტოები, რომლებიც ამ ადამიანებს ჩვენი მოძრაობის წევრებმა გადაუღეს სხვადსხვა თვითმფრინავში. არა მარტო თბილისიდან აეკიდნენ და ჩამოვიდნენ, არამედ ჩვენი იტალიის კომისარს ნათათო გიორგაძეს აეკიდნენ პირდაპირ პიზიდან და თავჩაღუნული დადიოდა ერთი ჯეელი თვითმფრინავშიც და ლიეჟშიც და დასდევდა ნათათო გიორგაძეს, ასევე სხვა ქალაქებიდანაც გამოყვნენ და ყველა ეს ფოტო და ვიდეომასალა გაგვაჩნია და ამ საქაღალდეში ჩამოწიკწიკებულს ყველაფერს მივართმევთ ბელგიელ სამართალდამცავებს და მთელ ევროპას გავაგებინებთ ვისთან გვაქვს საქმე- კრიმინალ მაფიოზთან“- განაცხადა გიორგი სიგუამ.