ლიეჟში ემიგრანტების შეკრებაზე მიგზავნილი პროვოკატორები

ლიეჟში ემიგრანტების შეკრებაზე მიგზავნილი პროვოკატორები - კუპრავამ პროკურატურას მიმართა

პოლიტიკა - 16:50, 12 Feb, 2019

971

ბელგიის ქალაქ ლიეჟში მომხდარი ინციდენტების გამო „სამართალდამცველთა რეფორმირების ცენტრმა“ გამოძიების დაწყებით მოთხოვნით პროკურატურას მიმართა. ზვიად კუპრავამ საგამოძიებო უწყებაში განცხადება დღეს შეიტანა. კუპრავა უწყებისგან ითხოვს, რომ დაადგინდეს იმ პირთა ვინაობა, რომლებიც ლიეჟში საქართველოს მესამე პრეზიდენტსა და ემიგრანტებს შორის გამართულ შეხვედრაზე იმყოფებოდნენ და პროვოკაციების მოწყობა სცადეს. მისი თქმით, მას აქვს ფოტონ და ვიდეო მასალა, სადაც ეს პირები არიან აღბეჭდილნი. როგორც კუპრავა აცხადებს, იმას, რომ ეს პირები ემიგრანტები არ იყვნენ და ადგილზე სწორედ პროვოკაციის მოსაწყობად იყვნენ ჩასულები ამტკიცებს ისიც, რომ ისინი ინციდენტიდან მეორე დღეს საქართველოში დაბრუნდნენ:

„ის, რომ ეს ადამიანები მეორე დღესვე, პირველივე რეისზე ლიეჟიდან საქართველოში დაბრუნდნენ ნიშნავს იმას, რომ ეს პირები არავითარ ემიგრაციას არ წარმოადგენდნენ იქ და იყვნენ მივლენილები საქართველოს ხელისუფლების მიერ. გამოძიებამ სწორედ უნდა დაადგინოს თუ რა მიზნებით, რა მოტივებით, რატომ გააგზავნეს, რა მისია ჰქონდათ ამ ადამიანებს, როდესაც ჩადიოდნენ ლიეჟში. იყვნენ როგორც გარე პერიმეტრზე, ასევე კონგრესის შენობაში. მათ გამოიყენეს სხვადასხვა თხევადი გაზი, რომელიც საბოლოო ჯამში, იწვევდა ცრემლდენას და წვას. მათი ქმედება იყო დანაშაულებრივი ქმედება, სწორედ ამიტომ გამოძიება უნდა დაინტერესდეს დღეს და დაუყოვნებლივ.“ - განაცხადა კუპრავამ.