გაერთიანებული ოპოზიცია "ძალა ერთობაშიას" ერთ-ერთი ლიდერი დავით კირკიტაძე ამბობს, რომ მისი საქმე თავიდან ბოლომდე პოლიტიკურია.

როგორც კირკიტაძემ სასამართლო პროცესზე აღნიშნა, ის ბრძოლას არ შეწყვეტს. მან მეგობრებს, თანამოაზრეეებსა და მხარდამჭერებს გვერდში დგომისთვის მადლობა გადაუხადა.

"რაც არ უნდა ეცადოთ თქვენ და მითუმეტეს, პროკურატურა, ვერ გაცდებით იმას, რომ ეს საქმე არის პოლიტიკური. დღეს პროკურატურის პოზიცია ჩემი გადმოსახედიდან სამარცხვინოა.

დღეს მნიშვნელოვანი და აქტუალური თემაა სასამართლო. მოსამართლეების და სასამართლოს მხრიდან მუდმივად ვისმენთ, რომ ისინი დამოუკიდებლები არინ, მაგრამ ამას მოსამართლის ნათქვამი კი არა, მისი გადაწყვეტილება უნდა ადასტურებდეს.

დღეს ხელისუფლების ამოცანაა, დავით კირკიტაძე ციხეში იჯდეს, თუმცა მათმა მცდელობამ შედეგი ვერ მოიტანა. ეს არც ჩემი მეგობრებისთვის ყოფილა შემაფერხებელი და არც ერთს გაჩენია შიშის გრძნობა და არ შეუწყვიტავს პოლიტიკური ქმედება. არც მე შემიცვლია აზრი არც თქვენს რეალურ მმართველზე, არც დღევანდელ ხელისუფლებაზე.

ოპერაციის ხელმძღვანელი, ვინც იყო კონკრეტულ დღეს ველისციხეში, ამხანაგი კუპატაძე თანამდებობიდან მოხსნეს. ამ სასამართლოზე იქნება, თუ შემდეგზე, მოწმეები აუცილებლად დაიკითხებიან და ეს საქმე ასე არ ჩაივლის. ბრძოლას ვაგრძელებთ, ამ ხელისუფლებას ჩამოვშლით", - განაცხადა კირკიტაძემ.