"მოსამართლე გახდა იძულებული, ვერ გეტყვით ვისგან... გადაწყვეტილება იყო არა სამართლებრივი, არამედ სხვა მოტივებით განპირობებული"

"მოსამართლე გახდა იძულებული, ვერ გეტყვით ვისგან... გადაწყვეტილება იყო არა სამართლებრივი, არამედ სხვა მოტივებით განპირობებული" - კირკიტაძის ადვოკატი

პოლიტიკა - 14:53, 12 Feb, 2019

882

დავით კირკიტაძის ადვოკატი, გიორგი კონდახიშვილი გურჯაანის საქალაქო სასამართლოს მოსამართლის მიერ მიღებულ გადაწყვეტილებას დაუსაბუთებელს უწოდებს.
უფლებადამცველის თქმით, მოსამართლე დავით ნარიმანიშვილმა თბილისის საქალაქო სასამართლოს მიღებული გადაწყევეტილება უგულვებელყო.
ადვოკატის თქმით, ნარიმანიშვილმა დაუსაბუთებელი გადაწყვეტილება მიიღო.
"საუბარი იყო სამ გარემოებაზე, რის გამოც დავით კირკიტაძეს შეეფარდა წინასარი პატიმრობა, ეს იყო მიმალვის საფრთხე, მოწმეებზე ზემოქმედების და მესამე - იგი სხვა საქმეში იყო ბრალდებული და მას შეფარდებული ჰქონდა აღმკვეთი ღონისძიება. ჩვენ წარვადგინეთ საქალაქო სასამართლოს გადაწყვეტილება, რომ დავით კირკიტაძე გამართლდა ამ საქმეში. მეორე ის, რომ პროკურატურის მიერ წარმოდგენილი მოწმეები არიან პოლიციის თანამშრომლები ან ექსპერტები და თვითონ პროკურატურამ ვეღარ დაადასრტურა, რომ დავით კირკიტაძე თავს დაესხმებოდა პოლიციელებს და აიძულებდა ჩვენების შეცვლას. დარჩა მიმალვის საფრთხე, თავის დროზე თვითონ სააპელაციო სასამართლომ 25 დეკემბრის განჩინებით თქვა, რომ ეს საფრთხე არ არსებობს და ვერ იქნება გამოყენებული დაპატიმრების საფუძვლად. დღეს კი, გურჯაანის სასამართლომ უგულვებელყო მისი ზემდგომი ინსტანციის გადაწყვეტილება და თქვა, რომ უნდა დარჩეს პატიმრობაში.

როცა შევეკითხე მოსამსართლეს, რომ მისი ზემდგომი ინსტანცია საუბრობს სხვას, ირონიულად გამცა პასუხი - ხან აპელაცია არ გვეთანხმება ჩვენ და ხან ჩვენ არ ვეთანხმებით სააპელაციოსო. ეს ხდება იმ ფონზე როცა სხვა ბრალდებული არის გირაო ქვეშ. როცა მიმალვის საფრთხეზეა საუბარი, როცა დავით კირკიტაძეს დაუსწრებლად ბრალი წაუყენეს, დავით კირკიტაძე ამირკიდან თავის ფეხით ჩამოვიდა და დღემდე ნებაყოფლობით ყველა პროცესზე ცხადდებოდა. მოსამართლე გახდა იძულებული, ვერ გეტყვით ვისგან...

მოსამართლემ შუა პროცესში დაუსვა კითხვა მხარეს - თქვენ როგორ ფიქრობთ ეს პოლიტიკური პროცესი არის თუ არა. ჩვენი პაუხი იყო რომ ეს არის თუ არა პოლიტიკური ამაზე კომენტარს აკეთებენ პოლიტიკოსები და საზოგადოება. არის თუ არა პროცესი პოლიტიკური, ამაზე მეტყველებს მოსამართლის გადაწყვეტილება. არის თუ არა აუცილებელი კირკიტაძის პატიმრობაში დარჩენა და რამდენად არის ეს ამართლიანი გადაწყვეტილება, ამაზე საზოგადოებამ ისაუბროს. ჩემი მხრიდან არის დიდი კითხვის ნიშნები, რომ ეს გადაწყვეტილება იყო არა სამართლებრივი, არამედ სხვა მოტივებით განპირობებული"- განაცხადა ადვოკატმა.