ცვლილება ეროვნულ გამოცდებში - 2023-24 წლისთვის აბიტურიენტებმა, შესაძლოა, საგნობრივი ტესტირების ნაცვლად, ერთი კომბინირებული გამოცდა ჩააბარონ

პოლიტიკა - 01:23, 12 Feb, 2019

1282

განათლების სამინისტრო ეროვნულ გამოცდებზე საგნობრივ ტესტირებას აუქმებს. აბიტურიენტებს შესაძლოა საგნობრივის ნაცვლად, მხოლოდ ერთი, მრავალპროფილური გამოცდის ჩაბარება მოუწიოს.

მინისტრის მოადგილის განცხადებით, სამინისტრო ახალი ინიციატივის დანერგვას 2023-24 წლისთვის გეგმავს.
"უნდა იყოს საგანი და უნარი კომბინირებული და ამის გარდა უნდა არსებობდეს სამოტივაციო წერილი, პროექტები, სხვადასხვა წყაროები, რის მიხედვითაც უნივერსიტეტები შეარჩევენ სტუდენტებს" - განაცხადა განათლების მინისტრის მოადგილემ ირინა აბულაძემ.
რეფორმის თანახმად, სავარაუდოდ, ქართული ენისა და ლიტერატურის გამოცდას უნარების კომპონენტი დაემატება.
სასკოლო-საატესტატო გამოცდების ეროვნულმა ცენტრმა საერთაშორისო და ადგილობრივ ორგანიზაციებს კვლევის შედეგები გააცნო. ბატიაშვილის უწყება საატესტატო გამოცდების გაუქმებასთან დაკავშირებით გადაწყეტილებას არ ცვლის, ადგილობრივი ექსპერტები კი ამ გადაწტვეტილებას სახიფატოდ მიიჩნევენ და მას სკოლებში კორუფციის დაბრუნების წინაპირობად განიხილავენ.
განათლების სამინისტროს მიერ ინიცირებული კანონპროექტი ბიუროს სხდომაზე უკვე დარეგისტრირდა.