გაერთიანებული ოპოზიცია „ძალა ერთობაშია“ ია კერზაიას საქმის დროულ გამოძიებას ითხოვს. ოპოზიციის წარმომადგენლების განცხადებით, განათლების სისტემა პოლიტიზირებულია და აღნიშნული ძირეული ცვლილებების საბაბს იძლევა. ოპოზიცია განათლების მინისტრის, მიხეილ ბატიაშვილის გადადგომას ითხოვს

„მინისტრმა ბატიაშილმა ვერ წარმოადგინა ვერცერთი მტკიცებულება, რომელიც გაამყარებდა მის მოსაზრებებს. გამოვლენილი გარემოებებისა და მტკიცებულებების საფუძველზე მოვითხოვთ; პირველი - გადადგეს დაკავებული თანამდებობიდან მიხეილ ბატიაშვილი. შესაბამისმა უწყებებმა დაუყოვნებლივ დაიწყონ გამოძიება, გამოიკვლიონ საქმესთან დაკავშირებული და გაატარონ კანონით გათვალისწინებული ღონისძიებები ამ პროცესის, როგორც დამკვეთების, ისე შემსრულებელთა მიმართ,“ - განაცხადა კვიტაშვილმა.