იუსტიციის უმაღლესი საბჭოს არამოსამართლე წევრი ანა დოლიძე საბჭოს გასვლითი სხდომას აფასებს.

მისი თქმით, იუსტიციის უმაღლესმა საბჭომ ამხანაგური სასამართლო სხდომა მოაწყო მისი და ნაზი ჯანეზაშვილის მიმართ.

დოლიძის თქმით, ცალსახად აჩვენებდა იმას, რომ შეხვედრის მიზანი მორიგი ამხანაგური სასამართლოს მოწყობა იყო.

„დღეს ვიხილეთ იუსტიციის უმაღლესი საბჭოს მცდელობა, მთელი ქვეყნის მასშტაბით სასამართლო სხდომების გაუქმების ხარჯზე, სახელმწიფოს უდიდესი რესურსის დახარჯვის ხარჯზე, აქ მოსამართლეები სხვადასხვა რეგიონებიდან, რათა მოეწყოთ ამხანაგური სასამართლო ჩემთვის და ნაზი ჯანეზაშვილისთვის. ვიხილეთ ბევრად მეტი პიროვნული თავდასხმა ჩემსა და ნაზის მიმართ, ვიდრე რაიმე საქმიანი ან სამართლებრივი კითხვა, რომელიც პირველ რიგში, პარლამენტისკენ უნდა იყოს მიმართული. საბჭოს მხრიდან ამხანაგური სასამართლოს მოწყობის მცდელობა ყველაზე კარგი დასტურია იმისა, რომ ჩვენს სასამართლო ხელისუფლებას მართლაც სჭირდება სწრაფი და სერიოზული ცვლილებები“, - განაცხადა ანა დოლიძემ.