ლიეჟში მომხდარ დაპირისპირებას სააკაშვილისა და ემიგრანტების შეხვედრის დროს, საქართველოს იუსტიციის მინისტრი თეა წულუკიანი გამოეხმაურა. მინისტრის თქმით, მისთვის ლიეჟში გასაკვირი არაფერი მომხდარა:

„ჩვენ ვიხილეთ ის თუ როგორ ცდილობს ჩვენი ქვეყნის ყოფილი ხელისუფლება, ნოსტალგიით შეპყრობილი, რომ საქართველოში ვერ ჩამოდის და ვერ აწყობს 7 ნოემბერსა და 26 მაისს, ლიეჟში მოახდინოს განსხვავებული აზრის მისეული ტრადიციული მეთოდებით ჩახშობა. თუ ეს არის ემიგრანტებთან შეხვედრა მაშინ ყველა უნდა იყოს დარბაზში დაშვებული და განსხვავებული აზრიც უნდა იყოს შეწყნარებული. მაგრამ ჩემთვის გასაკვირი იქ არაფერი მომხდარა. სააკაშვილმა ისევე როგორც ამას აკეთებდა საქართველოში, ლიეჟშიც ჩაახშო განსხვავებული აზრი,“-განაცხადა თეა წულუკიანმა.