როცა აფასებს ვინ რომელ კურსზე უნდა იყოს ან ვინ რომელ კლასშია, თვითონ უნდა იყოს რომელიმე კლასში

როცა აფასებს ვინ რომელ კურსზე უნდა იყოს ან ვინ რომელ კლასშია, თვითონ უნდა იყოს რომელიმე კლასში - ბესელია ზარდიაშვილზე

პოლიტიკა - 15:18, 11 Feb, 2019

924

ეკა ბესელია ვანო ზარდიაშვილს ღიად დაუპირისპირდა. დეპუტატი ბესელია აღნიშნავს, რომ “საერთო სასამართლოების შესახებ“ ორგანულ კანონში შესატანი ცვლილებები უნდა შეაფასონ მათ ვინც კვალიფიციური იურისტია და არა მათ ვინც, პირველ კურსზე კი არა, პირველ კლასშიც არ არის იურიდიული განათლებით.

"ვინც საუბრობს კლასებზე, კურსებზე და აფასებს ვინ რომელ კურსზე უნდა იყოს ან ვინ რომელ კლასშია და რანგებს აანალიზებს, თვითონ უნდა იყოს რომელიმე კლასში. როცა არცერთ კლასში არაა და არცერთ კურსზე არა არის თავისი რანგით თუ კვალიფიკაციით, როგორც იურისტი, მათ ნაკლებად შეუძლიათ შეაფასონ ასეთი პროექტები.

იმდენად აღელდა იუსტიციის უმაღლესი საბჭო და უმაღლესი საბჭოს ლობისტებიც ამ ცვლილებების გამო,ჩანს რომ ჩვენ ზუსტად მივაგენით და მივედით იმ საკითხთან, რომლითაც უნდა მოხდეს დროებით შეჩერება, მორატორიუმი რათა მთელი სასამართლო სისტემა არ ჩაიკეტოს. დღეს მოვისმინე განცხადება,ერთ-ერთი მოსამართლე ამბობდა, რომ იუსტიციის საბჭომ უნდა დანიშნოს საკუთარი წარმომადგენელი პარლამენტში. იუსტიციის საბჭოს უშტატოდ ისედაც ჰყავს ძალინ ბევრი წარმომადგენელი პარლამენტში და ჰყავს ლობისტები,რომლებიც სასამართლოზე პირველ პირში ლაპარაკობენ ხოლმე,"-აცხადებს ეკა ბესელია.

იუსტიციის საბჭოს მოსამართლე წევრებისთვის დეპუტატების ინიციატივა, რომელიც “საერთო სასამართლოების შესახებ“ ორგანულ კანონში ცვლილებას ითვალისწინებს და პირველ და მეორე ინსტანციაში მოსამართლეთა უვადოდ დანიშვნის 2025 წლამდე გადავადებას გულისხმობს, კატეგორიულად მიუღებელია. ინიციატივის ავტორი ეკა ბესელიაა, ცვლილებების პროექტს ხელს 9 დეპუტატი აწერს.

ვანო ზარდიაშვილის თქმით, მსგავს ცვლილებებს ხელს არც ერთი პირველკურსელი და თავმოყვარე იურისტი არ მოაწერდა.