ია კერზაიას საქმე - საპარლამენტო ოპოზიცია განათლების მინიტრის გადადგომას მოითხოვს. ოპოზიცია ასევე ითხოვს საქმეზე გამოძიების დაწყებას.

უკმაყოფილების მესიჯები ისმის საპარლამენტო უმრავლესობის რიგებშიც, მათი ნაწილი მინისტრს მეტ კონკრეტიკას სთხოვს. ზაზა ხუციშვილის განცხადებით,ს ამინისტროს ზედმეტად მყისიერი რეაგირება ჰქონდა ისეთ ანონიმურ წერილზე, რომელიც კერზაიას საქმეში დევს:

„ასეთი ეჭვი, რა თქმა უნდა, შეიძლება ჰქონდეს საზოგადოებას, მხოლოდ ერთი სკოლის შემთხვევაშია ასეთი რამ და ამით არჩევნების ბედის გადაწყვეტა არ ვიცი რამდენად შესაძლებელი იყო, თუმცა ქალბატონი როგორც ვიცი საუბრობდა, რომ ეს პრობლემა (ზეწოლა) იყო,“-ამბობს ხუციშვილი.

ლევან კობახიძე კი მინისტრს განმარტებას სთხოვს თუ რას გულისხმობს ის მაშინ, როცა პასუხისმგებლობის აღებაზე საუბრობს:

„გამოსავლად მესახება, რომ კონკრეტულად მინისტრმა თქვას რას აპირებს ამ საქმესთან დაკავშირებით. მან თქვა, რომ პასუხისმგებლობას ვიღებ, მაგრამ მე ველოდები, რომ ის იტყვის კონკრეტულ ქმედებებს, თუ რა მოჰყვება ამ საკითხს, მისი აღებული პასუხიმგებლობა რა ნაბიჯებში გამოიხატება... კონკრეტული ნაბიჯები თქვას, თუ ის ამბობს რომ არაფერი მოხდება, ეს მისაღები არ იქნება ჩემთვის“- აცხადებს კობერიძე.