კობახიძემ ივანიშვილს და დანელიას პროვოკაცია მოუწყო

კობახიძემ ივანიშვილს და დანელიას პროვოკაცია მოუწყო - რა მოხდა უმრავლესობის სხდომაზე

პოლიტიკა - 16:24, 08 Feb, 2019

4659

საპარლამენტო უმრავლესობის სხდომის მეოთხე “რაუნდზე” ერთი მეტად ყურადსაღები ინცინდენტი მოხდა, რომელიც ქართული მედიის ყურადღების მიღმა აღმოჩნდა. როგორც “ნიუპოსტს” უმრავლესობის ერთ-ერთმა წევრმა განუცხადა, ინცინდეტის პროვოცირება ირაკლი კობახიძემ მოახდინა.

“როგორც სხდომის მსვლელობისას გაირკვა, ბიძინა ივანიშვილი უკმაყოფილი იყო სხდომის დაწყებამდე აგრალურ საკითხთა კომიტეტის თავმჯდომარის, ოთარ დანელიას მიერ მედიისთვის მიცემული კომენტარის გამო. ივანიშვილმა დანელიას უსაყვედურა, რასაც ოთარის მხრიდან პასუხი მოჰყვა”, - განუცხადა “ნიუპოსტს” უმრავლესობის ერთ ერთმა წევრმა.

მისივე თქმით, საკითხი ეხებოდა ოთარ დანელიას მხრიდან პარტიის გენერალური მდივნის კახა კალაძის განცხადების - “კარი ღიაა” - კომენტარს.

“დანელიამ კონკრეტულად განმარტა მისი განცხადების პათოსიც და შინაარსიც. ეტყობა ივანიშვილისთვის ამონარიდები იყო მიწოდებული, რომელიც დანელიას მიერ გამოთქმულ აზრს ამახიჯებდა. დანელიას განმარტების შემდეგ ივანიშვილმა ადგილზევე მოითხოვა სრული ნიუსი, რასაც ირაკლი კობახიძის უხერხულობა მოჰყვა. სხდომაზე დამსწრე ყველა წევრისთვის ნათელი გახდა, რომ სწორდ კობახიძემ მოახდინა პროვოცირება და ის იყო ივანიშვილისთვის ინფორმაციის დამახინჯებულად მიწოდების ინიციატორი. როგორც კი საკითხი გაირკვა ივანიშვილმა განაცხადა, რომ სრულად ეთანხმებოდა დანელიას, ბოდიშიც მოუხადა და მათ ერთმანეთს ხელი ჩამოართვეს, რითაც ინცინდენტიც ამოიწურა”, - განუცხადა “ნიუპოსტს” უმრავლესობის წევრმა მისი ვინაობის გამხელისგან თავის შეკავების მოთხოვნით.

მისივე თქმით, თუნდაც ეს ერთი ფაქტი თვალნათლივ მეტყველებს “ახალგაზრდა მეოცნებეები” რა უხერხულობას უქმნიან ივანიშვილს და “მართლაც რომ ტყუილში აცხოვრებენ”.

აღნიშნულ საკითხზე, “ნიუპოსტი შეეცადა კომენტარის მოპოვებას ოთარ დანელიასგან, რომელმაც თემაზე კონკრეტული საუბრისგან თავი შეიკავა.

კითხვაზე თუ ვის ინტერესებში შედიოდა ივანიშვილის შეცდომაში შეყვანის მცდელობა დანელიასთან მისი დაპირისპირების პროვოცირება, ოთარ დანელიამ აღნიშნა, რომ არ მიიჩნევს ამას შეგნებულ ქმედებად, მაგრამ თუ ასეთს ჰქონდა ადგილი, პარტიის თავმჯდომარეს ვითარებაში გარკვევა არ უნდა გაუჭირდეს.