„ის, რომ ქართული ოცნების ხელისუფლება 2030 წლამდე იქნება, ბიძინას კულტის მორწმუნეთა დასამშვიდებელი ლეგენდაა“- პაატა მანჯგალაძე

პოლიტიკა - 14:29, 08 Feb, 2019

1760

"ახალი საქართველოს" სათათბიროს წევრი და გაერთიანებული ოპოზიცია „ძალა ერთობაშიას“ წარმომადგენელი პაატა მანჯგალაძე მიიჩნევს, რომ ივანიშვილის ხელისუფლებამ კარგად შეითვისა ნაცისტური გერმანიისა და საბჭოთა რუსეთის ტრადიცია.

მისივე შეფასებით, ივანიშვილისთვის ძალაუფლების შენარჩუნების საშუალება სიცრუე მოსყიდვა და შანტაჟია.

“ნებისმიერი მმართველობისთვის განაჩენია, როცა ე.წ ერთგულება უფრო ფასობს ვიდრე სიმართლე.

ის, რომ ქართული ოცნების ხელისუფლება 2030 წლამდე იქნება, ბიძინას კულტის მორწმუნეთა დასამშვიდებელი ლეგენდაა, რომ თვითგადარჩენაზე და ახალ მფარველზე არ იფიქრონ. ლეგენდაა ასევე ამბავი ცხრაწლიან სისხლიან მმართველობაზე, რომელიც თითქოს მან მანამდე უნდა დაამარცხოს ვიდრე ბედნიერი და სამართლებრივი სახელმწიფო დამკვიდრდება.

აშკარაა ივანიშვილის ხელისუფლებამ კარგად შეითვისა ნაცისტური გერმანიისა და საბჭოთა რუსეთის ტრადიცია. მმართველი ზნეობრივ, სამართლიან და ხალხზე მზრუნველ პიროვნებად უნდა წარმოჩნდეს მაშინაც კი, როცა ამორალურ და უსამართლო საქციელს ჩადის. შეგვიძლია გავიხსენოთ უზენაესი სასამათლოს მოსამართლეების დანიშვნის, პირადი ცხოვრების ამსახველი ვიდეოების გავრცელების, მარიხუანას კულტივაციის, შვილმოკლული მამების და სხვა საქმეები.

ამ ვითარებაში ივანიშვილისთვის ძალაუფლების შენარჩუნების საშუალება სიცრუე მოსყიდვა და შანტაჟია, რაშიც ხელს უშლის დამოუკიდებელი მედია საშუალებები და საზოგადოებრივად აქტიური სხვადასხვა ჯგუფები. ასევე, შეგვიძლია გავიხსენოთ რუსთავი -2 ის საქმე, გამოხატვის თავისუფლებასთან დაკავშირებული ინიციატივები, „კაპიტანი გიგაურის“ კამპანია და ა.შ

ამ ტიპის მმართველობა ემყარება რწმენას სასჯელი უნდა იყოს მკაცრი და ზიანის მომტანი, რადგან დაუსჯელობამ და სისუსტემ მორჩილ, ლოიალურ ჯგუფებში არ წაახალისოს თავისუფალი აზროვნების სურვილი.

ყველა ამ მცდელობამ ამოწურა საკუთარი თავი, რადგან ქართული ოცნების მთავრობას მიხეილ სააკაშვილისგან განსხვავებით არ შეუქმნია რაიმე ხელშესახები საჯარო სიკეთე. ხოლო სიცრუემ თავის მოკლე ფეხი გამოაჩინა”- აცხადებს მანჯგალაძე.