"თქვენს უხერხულ დუმილს ჩვენც იგივეთი ვეღარ შევხედავთ! ამოიღეთ ხმა ახლა ან სამუდამოდ დადუმდით" - გვარამია ბაჩანა შენგელიას მეგობრებს მიმართავს

პოლიტიკა - 11:00, 08 Feb, 2019

2876

"რუსთავი 2"-ის გენერალური დირექტორი, ნიკა გვარამია ია კერზაიას საქმეზე განათლების მინისტრს აკრიტიკებს და ბაჩანა შენგელიას მეგობრებს, რომლებიც პარლამენტში თანამდებობას იკავებენ, დუმილისთვის საყვედურობს:

"აღარ ვაპირებ განათლების მინისტრად წოდებული ბატიაშვილის სერიოზულად განხილვას. არავითარი რეფორმები თუ ანტირეფორმები ჩემს მიერ აღარ იქნება შეფასებული. ამ კაცს მე აღარ განვიხილავ განათლების მინისტრად, არამედ დამნაშავედ, რომელიც არათუ თანამდებობაზე, თავისუფლებაზე არ უნდა იყოს. მის დანაშაულს აქვსკონკრეტული სახელი - ია კერზაიას მკვლელობა. სრული სოლიდარობა ივანიშვილის განათლების მკვლელი სისტემის მამხილებელ Bachana Shengeliaს. და სრული სირცხვილი მათ, ვინც მისი მეგობარია და გატრუნული ადევნებს თვალს ბაჩანას დედის გამოცხადებული სიკვდილის ქრონიკას.

გავიდა თქვენს მიერ საქმეში გასარკვევად მოთხოვნილი ერთი თვე! ყველაფერი ითქვა და სახეზეა! სისტემამ ჩვენს მეგობარს დედა მოუკლა! ასე აღარ შეიძლება! თქვენს უხერხულ დუმილს ჩვენც იგივეთი ვეღარ შევხედავთ! ამოიღეთ ხმა ახლა ან სამუდამოდ დადუმდით!

George Mosidze

Levan Koberidze

Irina Pruidze

Gedevan Popkhadze

ps მოხსენით თეგები, თუ ეს რამეს უშველის. აქვე ოთხივეს გიწვევთ ამ თემაზე სასაუბროდ კვირას, 23:00, კვირის აქცენტებში"- წერს გვარამია.