თემირლან მაჩალიკაშვილის სიცოცხლის ხელყოფის საქმე - დროებითი საგამოძიებო კომისიის შექმნის მოთხოვნით პარლამენტში პეტიცია შევიდა. პანკისის ხეობის ახალგაზრდა აქტივისტებს მხარდაჭერას უცხადებს ადამიანის უფლებების სწავლებისა და მონიტორინგის ცენტრი.

„ვიფიქრეთ, რომ ამ ნაბიჯით მაინც მოხერხდეს ამ საქმის ცოტა განვითარება რაღაც მიმართულებით. ჩვენ ამ პეტიციით ვითხოვთ, რომ შეიქმნას საპარლამენტო საგამოძიებო კომისია, რომელიც გამოიძიებს ამ საქმეს და იქნება ღია ყველასთვის და ასევე, ვითხოვთ პროკურატურისგან, რომ გამოიძიონ ეს საქმე და თუ ამ საქმეში იკვეთება დამნაშავე, დაისაჯოს,“ - ამბობს სამოქალაქო აქტივისტი, სულხან ბორძიკაშვილი.