პანკისის ხეობაში, სპეცოპერაციის შედეგად მოკლული თემირლან მაჩალიკაშვილის მამა, მალხაზმაჩალიკაშვილი არასამთავრობო ორგანიზაციების წარმომადგენლებს ხვდება.

მაჩალიკაშვილმა საკანონმდებლო ორგანოში საგამოძიებო კომისიის შექმნას ითხოვს.

„ჩვენ, ყველა ერთად მოვითხოვთ, რომ შეიქმნას საგამოძიებო კომისია. ჩემთვის უფრო მნიშვნელოვანია, დღეს ყველაფერი ეს საზოგადოებამ გაიგოს. იქ დაიკითხებიან ადამიანები, რომლებიც ამბობენ, რომ მათ აქვთ რაღაც მასალები. სინამდვილეში, მათ საერთოდ არაფერი აქვთ. თავისი ჭკუით, მეც და ხალხსაც გვატყუებენ. ეს სახელმწიფოს წინაშე ჩადენილი დიდი დანაშაულია. იმედი მაქვს, ყველაფერი გაირკვევა. იმედი მაქვს იმ პარტიების, რომლებიც ამ საქმეს ხელს მოკიდებენ, იქნება ეს „ევროპული საქართველო" თუ „ნაციონალური მოძრაობა". განსხვავებით ხელისუფლებისგან, ძალიან ჭკვიანი და ნიჭიერი ხალხი არიან. ამას ვიტყვი პირდაპირ. მთლიანობაში, შეცდომაა მთელი ეს ხელისუფლება თავისი სუს-ით, მოსამართლეებით და სასამართლოთი. მათ არ იციან რას სჩადიან. ესენი არ არიან ადამიანები, მათ არ აქვთ ღირსება“,- განაცხადა მაჩალიკაშვილმა.