საპარლამენტო უმრავლესობის წევრი ნუკრი ქანთარია სამინისტროების შეწყმის საკითხს გამოეხმაურა და განაცხადა, რომ შეცდომა მოხდა, როდესაც განათლებას და მეცნიერებას, კულტურა და სპორტი შეერწყა:

„მოხდა ძალიან დიდი შეცდომა, როდესაც ჩვენ განათლების და მეცნიერების სივრცეს მივაწებეთ კულტურა და სპორტი. ვერაფერი კარგი ამან ვერ მოგვიტანა. სამწუხაროდ, არათუ უმცირესობაში, არამედ მარტო ვიყავი ამის მოწინააღმდეგე, მაგრამ ეს არ არის მთავარი. მე ვფიქრობ, რომ ჩვენი ხელისუფლება არ გაურბის შეცდომის აღიარებას. ჩემი აზრით, უახლოეს ხანში ჩვენ უნდა შევუდგეთ ამას, იმიტომ, რომ კულტურას ეკუთვნის საკუთარი მინისტრი ჰყავდეს, რადგან ის უნდა იყოს ქვეყნის ერთ-ერთი სახე. ამას რაც შეიძლება სწრაფად უნდა დავუჭიროთ მხარი“, - განაცხადა ქანთარიამ.