საქართველოს უმაღლეს საკანონმდებლო ორგანოში განათლების, მეცნიერების, კულტურისა და სპორტის მინისტრს უსმენე. მიხეილ ბატიაშვილმა სკოლებში არსებულ პრობლემებზე ისაუბრა და აგანაცხადა, რომ ყველა კვლევის მიხედვით ჩანს, რომ სკოლებში დაბალი მაჩვენებელია, რაც იმით არის განპირობებული, რომ სკოლებს როლი დაეკარგათ:

„ყველა კვლევა ცხადყოფს, სკოლაში გვაქვს დაბალი მაჩვენებლები, რაც განპირობებულია იმით, რომ სკოლას თავისი როლი დავუკარგეთ. თუმცა, არ უნდა დაგვავიწყდეს ფაქტორები, რომლებიც აქ არსებობს, მაგალითად კორუფცია. გეთანხმებით, რომ კორუფცია არის ერთ-ერთი უმნიშვნელოვანესი ფაქტორი. ამიტომ სკოლას ვუბრუნებთ თავის ფუნქციას, მაგრამ უნდა გვქონდეს მექანიზმი, რომ ამისგან დავიცვათ მშობლები და ბავშვები. თუმცა დღევანდელ ვითარებას, რაც სკოლაში გვაქვს, მე დავარქმევდი აბსოლუტურ კორუფციას, განათლებას, რასაც ჩრდილოვანი ჰქვია და სადაც მიედინება ასობით მილიონი ლარი. მე ვიტყოდი, რომ დღევანდელ სისტემაშიც გვაქვს ჩრდილოვანი განათლება, რომელიც ნაწილობრივ კორუფციულ ელემენტებსაც შეიცავს“, – განაცხადა მინისტრმა.