ისნის რაიონის მაჟორიტარი დავით ჭიჭინაძე თამარ ჩუგოშვილის განცხადებას ეხმაურება და ამბობს, რომ უმრავლესობას კიდევ ბევრი დატოვებს.

როგორც ჭიჭინაძე ამბობს, „ოცნებიდან“ წასვლის მიზეზი ის არის, რომ „ქართული ოცნება“ იმ მთავარ ღირებულებებს ასცდა, რის გამოც საზოგადოებამ მას მხარი დაუჭირა. ჭიჭინაძის თქმით, დიდი ხანია დეპუტატები "კობახიძეს ითმენენ."

„ღირებულებებში ცდებიან ეს ადამიანები ერთმანეთს და გუშინდელი განცხადება კიდევ ერთხელ ადასტურებს, რაც მე განვაცხადე ზაფხულში, რომ ჩვენ გაგვაჩნია თმენის ვალდებულება, რომ ირაკლი კობახიძეს ვითმენთ, ეს ნელ-ნელა დასტურდება ძალიან ბევრს ამ თმენამ ზღვარი გადაუჭარბა და აქედან გამომდინარე ჩვენ ვხედავთ ამ განცხადებებს,“ - აცხადებს დავით ჭიჭინაძე.