შეხვედრა საკმაოდ ხმაურიანი იყო და ის კამათის და დაპირისპირების ფონზე წარიმართა.
სტუდენტები ამბობენ, რომ ბიზნეს სკოლის გაუქმების გადაწყვეტილება, უნივერსიტეტში ისე მიიღეს, რომ მათ ინფორმაცია ამის შესახებ არ ჰქონდათ.
მათი თქმით, აკადემიურმა საბჭომ გადაწყვეტილება გიორგი ქადაგიძის საწინააღმდეგოდ მიიღო. ახალგაზრდები ფიქრობენ, რომ ქადაგიძისთვის დეკანის თანამდებობის ჩამოშორება სურდათ.
„ბიზნეს სკოლა უნდა დაბრუნდეს დამოუკიდებელ ერთეულად. ჩვენ ვერ მივიღეთ ახალი ფაკულტეტი, სტრატეგია არ არსებობს, გუშინ პასუხი არ იყო...გვრჩება იმის შეგრძნება, რომ ეს გადაწყვეტილება არის ხელოვნურად მიღებული გიორგი ქადაგიძის მოსაშორებლად. სხვა შთაბეჭდილება არ გვრჩება,“ - ამბობს ერთ-ერთი სტუდენტი.
მათივე განცხადებით, აქციას მანამდე გააგრძელებენ, სანამ ბიზნეს სკოლა არ აღდგება და გიორგი ქადაგიძე თანამდებობაზე არ დაბრუნდება.
მასალის გამოყენების პირობები






