„კითხვები მრავლდება“ - „ევროპული საქართველო“ მალხაზ მაჩალიკაშვილის მოთხოვნას მხარს უჭერს

პოლიტიკა - 13:06, 06 Feb, 2019

809

"ევროპული საქართველო" პანკისის ხეობაში ჩატარებული ანტიტერორისტული სპეცოპერაციის დროს ლიკვიდირებული თემირლან მაჩალიკაშვილის მამის მოთხოვნას, შეიქმნას საგამოძიებო კომისია ლეგიტიმურს უწოდებს.
როგორც სერგი კაპანაძემ აღნიშნა, მაჩალიკაშვილის მოთხოვნას მხარს დაუჭერს.

"ჩვენ ბევრჯერ გვითქვამს, რომ მხარს ვუჭერთ ამ საგამოძიებო კომისიის შექმნას, მიგვაჩნია, რომ იმ პირობებში, როდესაც ფაქტი, როდესაც ფაქტი რაც ვიცით არის ის, რომ შევარდნენ და ახალგაზრდა ბიჭი მოკლეს საწოლში. მას მერე არ მოგვისმენია არცერთი არგუმენტი რატომ მოხდა ასე, არ ვიცით ამ საქმის დეტალები. ვიცით, რომ გამოძიება პრაქტიკულად არ მიმდინარეობს. ძალიან დიდი დრო გავიდა და კითხვები მრავლდება და პასუხები არ არის. ამის ფონზე პარლამენტში საგამოძიებო კომისიის შექმნა არის რა თქმა უნდა ლეგიტიმური ინსტრუმენტი. ამიტომ თუ ეს ინიციატივა იქნება განხილვის საგანი, "ევროპული საქართველო" დაუჭერს მას მხარს"- განაცხადა სერგი კაპანაძე.

პანკისის ხეობაში სპეცოპერაციისას მოკლული თემირლან მაჩალიკაშვილის მამა, მალხაზ მაჩალიკაშვილი საკანონმდებლო ორგანოში საგამოძიებო კომისიის შექმნასა და მისი შვილის მკვლელობის საქმის გამოძიებას ითხოვს.

მალხაზ მაჩალიკაშვილს პარლამენტში ყველა დეპუტატის სახელზე 150 წერილი შეიტანა, რომელშიც კითხვა შემდეგნაირადაა ფორმურილებული:

„გთხოვთ წერილობით მაცნობოთ თქვენი პოზიცია - მხარს უჭერთ თუ არა, რომ საქართველოს პარლამენტში შეიქმნას ჩემი შვილის, თემირლან მაჩალიკაშვილის საქმეზე დროებითი საგამოძიებო კომისია?“