საპარლამენტო უმრავლესობა როსტომ მეფის სასახლეში მორიგ შეხვდრას მართავს. შეხვედრის დაწყებამდე გია გაჩეჩილაძემ ჟურნალისტებთან საუბრისას აღნიშნა, რომ მნიშვნელოვანია გუნდის მთლიანობა შენარჩუნებული იყოს, მაგრამ ვისაც წასვლის სურვილი აქვს, იმას ძალით ვერ დააკავებენ.

„ადრეც ხომ იყო ასეთი დაძაბულობა და პარტიის თავმჯდომარის ბიძინა ივანიშვილის ძალისხმევით ამის მოგვარება შესაძლებელი გახდა. დღევანდელ სხდომაზე საუბარი იქნება ყველაფერზე, მათ შორის მომავალი პარლამენტის სხდომების დღის წესრიგზე და სასამართლო სისტემაზე. გააჩნია, რომელ მოსამართლეებზეა საუბარი. ახლა, რომ დაკრა ფეხი და ყველა მოსამართლე გაყარო, ასეთი რამე შეუძლებელია. 10-კაციან სიაში მყოფმა მოსამართლეებმა უარი თავად თქვეს. ამიტომ სხვა სიის შემოტანას ველოდებით“, – განაცხადა გია გაჩეჩილაძემ.