„ოცნება“ იშლება - ვის გარიცხავენ მმართველი გუნდიდან

პოლიტიკა - 10:46, 06 Feb, 2019

1882

გავრცელებული ინფორმაციით, უმრავლესობის დღევანდელ სხდომაზე, რომელიც „ქართული ოცნების“ მთავარ ოფისში გაიმართება, შესაძლოა მმართველი პარტიიდან რამდენიმე ადამიანის გარიცხვის საკითხი დადგეს ან თვითონ მათ დატოვონ „ქართული ოცნება“, საუბარია ეკა ბესელიაზე, გედევან ფოფხაძესა და ლევან გოგიჩაიშვილზე. ფრაქცია „ქართული ოცნების“ თავმჯდომარის მამუკა მდინარიძის თქმით, ვინმეს გარიცხვა თვითმიზანი დანამდვილად არ არის:

"ჩვენი თვითმიზანი დანამდვილად არ არის ვინმეს გარიცხვა, ვინმეს განკვეთა და მსგავსი სანქციები, მაგრამ თუკი ასეთ გადაწყვეტილებას ჩვენი რომელიმე თანაგუნდელი იღებს, ნებისმიერი გადაწყვეტილება იმსახურებს პატივისცემას, ჩვენ ბუნებრივია ვერ შევეწინააღმდეგებით ამას."- განაცხადა მამუკა მდინარაძემ.

უმრავლესობის კიდევ ერთი წევრი, აკაკი ზოიძე კი განმარტავს, რომ კონსენსუსის რეზერვი მაქსიმალურად უნდა ამოიწუროს და მხოლოდ ამის შემდეგ უნდა იქნეს გადაწყვეტილება მიღებული პარტიიდან გასვლის შესახებ.

"ასეთი ზომების წინააღმდეგი ვარ ზოგადად, თუ ვინმეს სურს რომ პარტიიდან გავიდეს და ღირებულებათა თანხვედრა ან არათანხვედრა ხდება, ეს მათი გადასაწყვეტია, მაგრამ ყველანაირად უნდა ამოიწუროს ყველანაირი კონსენსუსის რეზერვი და უნდა შევეცადოთ პოზიციების დაახლოებას."- აკაკი ზოიძე.