თბილისში პარლამენტის საგაზაფხულო სესია დღეს გაიხსნა, რომლის ფარჯგლებშიც უმაღლესი საკანონმდებლო ორგანოს თავმჯდომარე ირაკლი კობახიძე დეპუტატების, მინისტრებისა და პრემიერ-მინისტრის წინაშე ანგარიშით წარსდგა.

კობახიძემ ანგარიშის წარდგენისას განსაკუთრებული ყურადღება ახალი კონსტიტუციის შემუშავებაზე გაამახვილა:

„2016 წელს მე-9 მოწვევის პარლამენტმა მემკვიდრეობით მიიღო შემდეგი გამოწვევები - დასახვეწი ხელისუფლების დანაწილების პრინციპთან და ძლიერი პარლამენტის ინტერესთან წინააღმდეგობაში მყოფი კონსტიტუცია. ჩვენი მიზნების ერთი ნაწილი უკვე მიღწეულია, ჩვენ მივიღეთ დახვეწილი კონსტიტუცია, რომელიც სრულ შესაბამისობაშია ევროპული პარლამენტარიზმის საუკეთესო ტრადიციებთან და რომლის ერთ-ერთი მთავარი შტრიხი ძლიერი პარლამენტია. ჩვენ მივიღეთ ძლიერი პარლამენტი, რომელიც უზრუნველყოფს, როგორც კანონშემოქმედების, ისე ზედამხედველობის კუთხით პარლამენტის შესაძლებლობების თვისებრივ გაძლიერებას. 2019 წელს უკვე პრატიკაში დაინერგება პარლამენტის ახალი კანონშემოქმედებითი და საზედამხედველო ინსტრუმენტები, რითაც ზემოთ აღნიშნული საკანონმდებლო ცვლილებების მნიშვნელობა საზოგადოებისთვის ხელშესახები გახდება,“ - განაცხადა ირაკლი კობახიძემ.