საკანონმდებლო ორგანო მუშაობას თბილისში მმართველ გუნდში არსებული უმწვავესი კრიზისის ფონზე იწყებს

პოლიტიკა - 12:09, 05 Feb, 2019

905

პარლამენის საგაზაფხულო სესიას, თბილისსი, რუსთაველის გამზირზე არსებულ პარლამენტის შენობაში იწყებს.

დღეს დეპუტატების წინაშე გასული წლის ანგარიშით პარლამენტის თავმჯდომარე წარდგება. პარლამენტის თავმჯდომარეს ახალი რეგლამენტის მიხედვით პრემიერი, მინისტრები და დედაქალაქის მერი მოუსმენენ. პარლამენტის საპროცედურო საკითხთა და წესების კომიტეტის თავმჯდომარე ამბობს, რომ ქვეყანა საპარლამენტო რესპუბლიკის საფუძვლებზე გადადის.

„დღეს პირველი შემთხვევა იქნება,როდესაც პარლამენტის თავმჯდომარე წარდგება პარლამენტის წინაშე და ისაუბრებს პარლამენტის საქმიანობის ანგარიშზე და მიმდინარე წლის სამოქმედო გეგმაზე. სიმბოლურია, რომ ამ პროცესს დაესწრებიან პრემიერ-მინისტრი თბილისის მერი, მთავრობის წარმომადგენლები.

ეს არის ერთ-ერთი ძალიან მნიშვნელოვანი სიახლე, რომელსაც ახალი კონსტიტუცია და რეგლამენტი ითვალისწინებს. გარდა მაისა, ერთ-ერთი ახალი პროცედურა მინისტრის საათის სახით ამოქმედდება - ეს იქნება ერთ-ერთი ახალი გამოხატულება იმისა, რომ რეალურად საპარლამენტო კონტროლი გაძლიერდა საქართველოში და რეალურად საპარლამენტო რესპუბლიკის საფუძვლებზე გადავდივართ,“-აცხადებს გიორგი კახიანი.

აღსანიშნავია, რომ პარლამენტი თბილისში მუშაობას მმართველ გუნდში არსებული უმწვავესი კრიზისის ფონზე იწყებს.

ამ დრომდე გაურკვეველია დაატოვებინებენ თუ არა ეკა ბესელიას "ქართული ოცნების" რიგებს.

დღეს სავარაუდოდ ეს საკითხი განიხილა ბიძინა ივანიშვილმა მმართველ გუნდთან როსტომ მეფის სასახლეში გამართულ პოლიტსაბჭოს სხდომაზე.