"აიფონ 5 იყო, აიფონ 7 თუ აიფონ 10, ამას დაადგენს გამოძიება.. ვიდეოს ნახვის არც სურვილი მაქვს და არც ინტერესი"

"აიფონ 5 იყო, აიფონ 7 თუ აიფონ 10, ამას დაადგენს გამოძიება.. ვიდეოს ნახვის არც სურვილი მაქვს და არც ინტერესი" - კალაძე ფარულ კადრებზე

პოლიტიკა - 21:02, 04 Feb, 2019

2861

“ქართული ოცნების“ მმართველობის პირობებში გავრცელებულ პირადი ცხოვრების ამსახველი ერთ-ერთი ვიდეოკადრში აიფონ 5-ის გამოჩენა, რამაც ეჭვი გააჩინა, რომ ვიდეო „ქართული ოცნების“ მმართველობის დროსაა ჩაწერილი, ხელისუფლების მხრიდან გამოხმაურება მოჰყვა. „ქართული ოცნების“ გენერალური მდივანი გამოძიების დასრულებას ელოდება და აცხადებს, რომ მისთვ უს ასეთი ვიდეოების გავრცელება კატეგორიულად მიუღებელია და მას ვიდეოს ნახვის არც სურვილი და არც ინტერესი არ ქონია:

“არ მინახავს ვიდეო და ნახვის არც სურვილი მაქვს და არც ინტერესი. ჩემთვის კატეგორიულად მიუღებელია, ასეთი ვიდეოების გავრცელება. კატეგორიულად მიუღებელია ის რაც წლების განმავლობაში ხდებოდა და როგორ აშანტაჟებდნენ ადამიანებს. უამრავი, 10 ათასობით ჩანაწერი არის გაკეთებული წინა ხელისუფლების დროს რაც ძალიან ცუდია და მძიმეა და ჩვენ, ყველა ერთად უნდა ვებრძოლოთ გავრცელებას, რომ ადამიანების შანტაჟი ასეთი ფარული ჩანაწერებით არ ხდებოდეს. თქვენ ვერ დაადასტურებთ იქ აიფონ 5 იყო, აიფონ 7, აიფონ 10 თუ აიფონ 4, ამას დაადგენს გამოძიება და გაცემა ყველა კითხვას პასუხი. ”- განაცხადა კახა კალაძემ