გიორგი ლომია ოპოზიციას: "კადრები თქვენი მმართველობის პერიოდშია შექმნილი... მიხეილ სააკაშვილი, ივანიშვილი"

პოლიტიკა - 18:23, 04 Feb, 2019

1378

ფარული კადრების გავრცელების საქმეზე საპარლამენტო უმცირესობის წევრები პარლამენტში მთავარ პროკურორსა და სახელმწიფო უსაფრთხოების სამსახურის უფროსის მისვლას ითხოვენ.

„რატომ არ გამოვლენილა არცერთი პირი, არც შემკვეთი და არც შემსრულებელი წინა შემთხვევებში და რა ნიშნით შეირჩა მესამე, მეოთხე რიგის გამავრცელებლები ესეც საინტერესოა,“-ამბობს „ევროპული საქართველოს“ წევრი, ოთარ კახიძე.

საპარლამენტო უმრავლესობის წევრი დავით მათიკაშვილი ამბობს, რომ თუკი პრევენციისთვის შედეგიანი იქნება ამ დანაშაულისთვის შესაძლოა სანქციის ზომაც გამკაცრდეს.

„პატრიოტთა ალიანსის“ წევრი, დეპუტატი გიორგი ლომია, დანაშაულის ჩადენაში წინა ხელისუფლების როლს ხედავს.

„ეს კადრები თქვენი მმართველობის პერიოდშია შექმნილი... მიხეილ სააკაშვილი, ივანიშვილი,“- თქვა გიორგი ლომიამ. შემდეგ კი კითხვაზე, რატომ ახსენა ივანიშვილი-მან განმარტა, რომ ივანე მერაბიშვილის თქმა უნდოდა.

რეპლიკაზე, რომ მას სწორად წამოსცდა ივანიშვილის გვარი, როგორც კადრების შემქმნელის, ლომიამ ოპონენტებს უპასუხა:

„ფროიდს რომ ასე ახლოს გულთან მიიტან აი, ასეთი გაუკუღმართებული სექსუალური აზროვნება გექნება.“