"ერთხელ და სამუდამოდ უნდა გავთავისუფლდეთ ერთპიროვნული და ერთპარტიული მმართველობისგან"- გაერთიანებული ოპოზიცია საკონსტიტუციო ცვლილებებისთვის საჭირო ხელმოწერების შეგროვებას იწყებს

პოლიტიკა - 15:59, 02 Feb, 2019

803

გაერთიანებული ოპოზიცია საკონსტიტუციო ცვლილებებისთვის საჭირო ხელმოწერების შეგროვებას იწყებს. ხელისუფლების ოპონენტები მაჟორიტარული სისტემის გაუქმებას მოითხოვენ.

გაერთიანებული ოპოზიციის ლიდერი და პრეზიდენტობის ყოფილი კანდიდატი, გრიგოლ ვაშაძე, გაერთიანების წევრებთან ერთად დღეს ქუთაისში ჩავიდა და ადგილობრივებს ოპოზიციის გეგმები გააცნო.

"ჩვენ ვიწყებთ მზადებას ხელმოწერების შესაგროვებლად. იმისთვის, რომ პირველ რიგში შეცვლილი და დახვეწილი იყოს საარჩევნო კოდექსი - ხელისყფლებისთვის ხელსაყრელი მაჟორიტარული სისტემის ნაცვლად, იქნეს ხალხისთვის, ქვეყნისთვის და პოლიტიკური სპექტრისთვის მისრები პროპორციული სისტემა. ვფიქრობ, ჩვენ შევაგროვებთ გაცილებით მეტ ხელმოქერას, ვიდრე ეს ხელისუფლებას წარმოუდგენია. საბოლოო ჯამში მოვიტანთ ცვლილებებს, რომელიც ქვეყანას უკეთესი მომავლისკენ წაიყვანს"- განაცხადა "ერთიანი ნაციონალური მოძრაობის" წევრამა გიორგი თევდორაძემ.

გრიგოლ ვაშაძის თქმით, გაერთიანებული ოპოზიციის ლიდერები გეგმავენ, ყველა რეგიონში პირადად გააცნონ მოსახლეობას საკონსტიტუციო ცვლილებების შინაარსი და ხელმოწერების შეგროვების შემდეგ, აიძულონ ხელისუფლება, მოსახლეობის ნებას დაემორჩილოს.

"ჩვენ უნდა გავთავისუფლდეთ ერთხელ და სამუდამოდ ერთპიროვნული და ერთპარტიული მართველობისგან. ერთი რამ მინდა დავამატო, მიუხედავად ე.წ. "ქართული ოცნების" ოცნებისა, გაერთიანებული ოპოზიცია არ დაიშალა და სტრუქტურულად ჩამოყალიბება დაიწყო"- თქვა ვაშაძემ.